![Məhkəmə-Hüquq Şurası bəzi hakimləri cəzalandırıb](https://turan.az/resized/media/2017/main/101600004992-750-500-resize.webp)
Məhkəmə-Hüquq Şurası bəzi hakimləri cəzalandırıb
Bakı/14.10.17/Turan: Məhkəmə-Hüquq Şurasının qərarı ilə 7 məhkəmə sədri daxil olmaqla, 20 hakimin səlahiyyətlərinə xitam verilib.
Bundan əlavə, 6 məhkəmə sədri və apellyasiya instansiyasının hakimi, həmçinin 8 hakim aşağı vəzifəyə keçirilib.
Bu, onunla əsaslandırılır ki, həmin hakimlər "vətəndaşların haqlı narazılığına səbəb olan pozuntulara yol veriblər". Bu qərar Məhkəmə-Hüquq Şurasının növbəti kollegiyasında qəbul edilib, Ədliyyə Nazirliyi bildirib.
Həmçinin səlahiyyət müddətinin başa çatması ilə əlaqədar 70 hakimin fəaliyyəti qiymətləndirilib.
Kollegiya iclasında hakimlərin və məhkəmə sədrlərinin təyinatı, bəzi hakimlərin iş yerlərinin dəyişdirilməsi ilə bağlı ölkə prezidentinə təkliflər hazırlanıb.
İki hakim yol verdiyi nöqsanlara görə tutduğu vəzifədən azad edilərək aşağı vəzifəyə keçirilib. İki hakimin barəsində inzibati icraat başlanılıb. Onların adları açıqlanmır.
Məhkəmə-Hüquq Şurası 2005-ci ildən fəaliyyət göstərir. 15 nəfərdən, əsasən hakimlərdən ibarətdir.-02D-
-
- İqtisadiyyat
- 16 Oktyabr 2017 11:12
-
- Siyasət
- 16 Oktyabr 2017 12:07
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz