Mayın 24-də Bakı İnzibati-İqtisad Məhkəməsi "Yüksəliş naminə" qəzetinin redaktoru, hüquq müdafiəçisi Elçin Məmmədin DİN Baş Mütəşəkkil Cinayətkarlığa qarşı Mübarizə İdarəsinə qarşı iddiasını təmin edib.
Qərarı hakim Rüstəm Kərimli qəbul edib.
Məmmədov özü Turan-a bildirib ki, iddia ötən ilin mayında AŞPA-nın sessiyasından qayıdarkən Bakı aeroportunda saxlanılması və ölkədən çıxmasına qadağa qoyulması ilə bağlıdır.
8 aylıq məhkəmə təhqiqatından sonra iddia təmin edilib və BMCMİ-nin əməlləri qanunsuz hesab edilib.
Məmməd xatırladıb ki, 2015-ci il mayın 29-da Bakıya gəldikdən sonra saxlanılıb və BMCMİ-yə aparılıb, 12 saat orada saxlanılıb.
Sonradan ona bildirilib ki, onun ölkədən çıxışına qadağa qoyulub, bu da Konstitusiyada zəmanət verilmiş hüquqların pozuntusudur.
"Mənə saxlanılmağımın və ölkəni tərk etməyimin qadağan edilməsinin səbəbləri haqqında heç bir rəsmi qərar təqdim edilməyib. Mən müvafiq orqanlara və beynəlxalq "Front Line Defenders" təşkilatına müraciət etmişəm, həmin təşkilat da Azərbaycan XİN-ə müraciət edib.
Bundan sonra məni yenidən BMCMİ-yə çağırıblar və beynəlxalq təşkilatlara şikayət etdiyimə görə psixoloji təzyiq göstəriblər", deyə o bildirib. -06B-
Cəmiyyət
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
-
Polis Bakıdakı 210 saylı məktəbdə uşaqları onlayn oyunlarda iştiraka çağıran yazıların yayılması ilə bağlı araşdırma aparıb.
-
Fevralın 8-dən Mingəçevirdən Şuşa şəhərinə müntəzəm avtobus reysi istifadəyə veriləcək. Bu barədə Rəqəmsal İnkişaf və Nəqliyyat Nazirliyi bildirib.
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
Rəy yaz