![Məhkəmə jurnalistin ölkədən çıxışına qadağa ilə bağlı şikayətini təmin etməyib](https://turan.az/resized/750/500/resize/media/2016/main/080200164175.jpg)
Məhkəmə jurnalistin ölkədən çıxışına qadağa ilə bağlı şikayətini təmin etməyib
Ötən gün Nəsimi Rayon Məhkəməsində jurnalist (frilanser) Natiq Cavadlının hərəkət azadlığının məhdudlaşdırılması ilə bağlı şikayətinə baxılıb.
Bir il öncə sərhədçilər heç bir izahat vermədən onu ölkədən buraxmayıblar.
Sonradan Baş Prokurorluğun Ağır Cinayətlər üzrə İstintaq İdarəsinə dəfələrlə çağırıblar və “Meydan” TV İnternet nəşri ilə əməkdaşlığı barədə soruşublar.
Sonradan məlum olub ki, prokurorluq “Meydan” TV-nin “vəzifəli şəxsləri”nə qarşı cinayət işi açıb. Lakin N.Cavadlı heç zaman bu nəşrdə vəzifə tutmayıb və onun ştatlı əməkdaşı olmayıb.
N.Cavadlı onun hərəkət azadlığının məhdudlaşdırılmasını qanunsuz hesab edir. Bununla belə, məhkəmə heç bir açıqlama vermədən şikayəti təmin etməyib.
Jurnalist Turan agentliyinə bildirib ki, apellyasiya şikayəti vermək niyyətindədir, həmçinin İnzibati-İqtisad Məhkəməsində prokurorluğa qarşı iddia qaldıracaq.
Qeyd edək ki, “Meydan” TV ilə əməkdaşlıqda şübhəli bilinən 10-a yaxın jurnalistin ölkədən çıxışına qadağa qoyulub. Bu əməkdaşlıqda kriminalın nədən ibarət olduğunu heç kim izah edə bilmir.—06B--
Cəmiyyət
-
Azərbaycan Milli Məclisinin deputatlığına namizəd Namizəd Səfərov Mərkəzi Seçki Komissiyasını (MSK) demokratik seçkilərin keçirilməsinə hazırlaşmamasını tənqid edib. Birinci Nərimanov seçki dairəsindən namizədliyini irəli sürən, Repressiya və İşgəncələrə Qarşı Komitənin koordinatoru olan Səfərov tərəfdarlarından uğurla imza topladıqdan sonra narahatlığını “Turan”a bildirib.
-
Kəlbəcər rayonunda yerləşən hərbi hissələrdən birinin əsgəri Qəhrəmanov Ərşadın intihar etməsi faktı ilə bağlı hərbi prokurorluqda araşdırma aparılır.
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
-
Bakının Sabunçu Rayon Polis İdarəsinin 13-cü polis bölməsinin əməkdaşları telefonla dələduzluq edən paytaxt sakini, 1978-ci il təvəllüdlü Sergey Karnauxovu saxlayıb.
Rəy yaz