Yerevanda polis alayını ələ keçirən bir qrup yaraqlı hakimiyyətə təslim olduqdan sonra Ermənistan hakimiyyəti etiraf edib ki, ölkə sabitliyin ciddi pozulması təhlükəsi ilə üz-üzə qalmışdı. Bu barədə Ermənistan prezidenti Sarkisyan ölkə ictimaiyyəti qarşısındakı çıxışında bildirib.
O etiraf edib ki, hakimiyyət güc əməliyyatı keçirməyə və 20-dən çox silahlı yaraqlını məhv etməyə hazır idi, lakin bundan qaçmaq mümkün olub.
Sarkisyan Yerevanı Beyrut və ya Aleppoya çevirməyə cəhd edən, Ermənistanı vətəndaş müharibəsinə sürükləyən “Sasna tsrer” qrupunu terrorçu adlandırıb. O, baş verənlərin səbəblərinin araşdırılması ilə bağlı istintaq aparılacağını vəd edib və bildirib ki, Ermənistanda köklü islahatlar lazımdır.
Sonra Sarkisyan polis zorakılığına görə jurnalistlərdən üzr istəyib, günahkarların cəzalandırılacağını vəd edib.
Böhrandan çıxış yollarından danışan Sarkisyan yaxın aylarda milli barış hökumətinin formalaşacağını vəd edib.
Sonra o, Qarabağın statusu müəyyən edilmədən onun ətrafındakı ərazilərin azad olunmasını nəzərdə tutan mərhələli nizamlanma variantına Ermənistan hakimiyyətinin razılıq verməsilə bağlı erməni cəmiyyətində yayılan fikirləri şərh edib.
“Dağlıq Qarabağ probleminin nizamlanmasında birtərəfli güzəşt olmayacaq. Dağlıq Qarabağ heç zaman Azərbaycanın tərkibində olmayacaq.
Mən öz həyatımı bu problemə həsr etmişəm. Mənim xalqım üçün məqbul variantın qəbulundan ötrü mən hər zaman nəinki istənilən vəzifəni, hətta həyatımı qurban verməyə hazır olmuşam”, - o vurğulayıb.-02D-
Siyasət
-
“Abzas Media”nın həbsdə olan jurnalistləri həbsxanada da öz araşdırmalarınıdayandırmırlar. Onlar artıq 1 saylı Bakı İstintaq Təcridxanasında məhbuslara fiziki təzyiq faktlarını açıqlayıblar. Bu dəfə onlar diqqəti məhbusların saxlanılma ağır şəraitinin ağır olmasına, dövlət hesabına onlara ayrılan ərzaq, geyim, yataq ləvazimatları, gigiyenik vasitələrin verilməməsinə yönəldiblər.
-
Avropa İttifaqının 27 üzv dövləti Gürcüstandakı vəziyyəti, o cümlədən bu ölkə ilə vizasız rejimin ləğvi imkanını dekabrın 16-da keçiriləcək Xarici İşlər Şurasının iclasında müzakirə edəcək. Bu barədə cümə günü Aİ-nin Gürcüstandakı səfiri Pavel Hercinski məlumat verib.
-
Hüquq müdafiəçisi Rüfət Səfərov 1 saylı İstintaq Təcridxanasının personalının müttəhim Fazil Qasımova qarşı pis münasibətilə əlaqədar ombudsman Səbinə Əliyevaya müraciət edib. Bundan sonra vəziyyət yaxşılığa doğru dəyişib, əsəsən Qasımova icazə veriblər ki, mühafizəçinin nəzarəti olmadan iki saatdan çox qardaşı ilə söhbət etsin. Bu barədə Turan-a "Müdafiə xətti" hüquq-müdafiə təşkilatının rəhbəri Rüfət Səfərov bildirib.
-
Çərşənbə günü Bakı Ağır Cinayətlər Məhkəməsində birinci qrup əlil Famil Xəlilovun məhkəməsi davam edib. O, narkotik maddələrin qanunsuz dövriyyəsində ittiham olunur.
Rəy yaz