• contact.az Contact
  • Bakı
  • Clear240 C
  • Çərşənbə axşamı, 30 İyul 2024
    • flag_EN
    • flag_RU

Son yenilənmə

(7 saat əvvəl)
  • Ana səhifə
  • Cəmiyyət
  • Səhiyyə Nazirliyi media işçilərinin tibb müəssisələrinə səfərini təşkil edib
Səhiyyə Nazirliyi media işçilərinin tibb müəssisələrinə səfərini təşkil edib
A- A A+
Turan İnformasiya Agentliyi
Turan İnformasiya Agentliyi

Səhiyyə Nazirliyi media işçilərinin tibb müəssisələrinə səfərini təşkil edib

Səhiyyə Nazirliyi iyunun 29-30-da Xızı, Quba və Qusar rayonlarına  press-tur təşkil edib. 
 
Məqsəd jurnalistlərin regionlarda fəaliyyət göstərən tibb müəssisələrində real vəziyyətlə, görülən işlərlə tanış olmasıdır. 
Xızı Rayon Mərkəzi Xəstəxanasının baş həkimi Bəhtaş Nəbiyev bildirib ki, 2012-ci ildə istifadəyə  verilən xəstəxanada cərrahiyyə, terapiya, doğuş, pediatriya, anesteziologiya, reanimatologiya şöbələri var. Xəstələr üçüm idman zalı fəaliyyət göstərir. Xəstəxana Yaponiya və Almaniyadan gətirilən müasir tibbi avadanlıqlarla təchiz olunub. Gün ərzində təxminən 165 nəfərə xidmət göstərilir. Şəkər bə böyrək çatışmazlığı xəstələri dərman preparatları ilə pulsuz təmin edilir. Baş həkim onkoloji xəstələrin sayında artım müşahidə olunduğunu qeyd edib. Bu da əsasən düzgün qidalanmama, ekoloji təsir və başqa amillərdən asılıdır. 
 
B.Nəbiyev Xızı sakinləri arasında ən çox mədə-bağırsaq, kardioloji, ağciyər xəstəliklərinin yayıldığını bildirib. 
 
Media nümayəndələri Quba Diaqnostika Mərkəzində olublar. Bu mərkəz 2010-cu ildən fəaliyyətdə göstərir. Mərkəzdə il ərzində 200 mindən çox xəstə müalicə alır. Mərkəzin baş həkimi Səməd Məmmədovun sözlərinə görə, indiyədək 10 xəstədə açıq ürək əməliyyatı aparılıb. “Regionda ən böyük dializ şöbəsi bu mərkəzdə fəaliyyət göstərir. Hazırda 70 xəstə növbə gözləyir. 
 
Qusar Rayon Mərkəzi Xəstəxanasının baş həkimi Mübariz Zeynalov isə qastroskopiya, kolonoskopiya, şüa diaqnostika şöbəsində aparılan ultrasəs, rentgen, rentengoskopiya və rentengoqrafiya müayinə metodları haqda bilgi verib. 
 
Onkoloji şöbə kimya terapiyası  üçün nəzərdə tutulub. Şöbə müdiri Novruzəli Sultəliyev  bildirib ki, hazırda xəstəxanada 575 onkoloji xəstə qeydiyyatdadır. Lazım olan dərmanlar Milli Onkologiya Mərkəzi tərəfindən göndərilir. Xəstəxanada müasir avadanlıqlarla təchiz olunmuş doğum şöbəsi fəaliyyət göstərir. 
 
Bundan öncəki press-turlar  ötən ay Qarabağ və  şimal-qerb  bölgələrində olub. Növbəti press-tur avqust ayında  cənub bölgəsinə gözlənilir.

Rəy yaz

Cəmiyyət

Bizi sosial şəbəkələrdə izləyin

Xəbər lenti