Gürcüstanın baş naziri bazar ertəsi brifinqdə yeni müdafiə nazirini təqdim edib. Bu, 42 yaşlı Levan İzoriyadır. Bundan öncə o, Gürcüstan Dövlət Təhlükəsizlik Xidmətinin rəis müavini, ondan əvvəl isə daxili işlər nazirinin müavini olub.
L.İzoriya 1996-cı ildə Tbilisi Dövlət Universitetinin hüquq fakültəsini, sonra Almaniyada Santa Avqusto Universitetini bitirib. 2002-ci ildə Gürcüstan Elmlər Akademiyasında və ölkənin Təhlükəsizlik Şurasında çalışıb. Cənubi Qafqazda Konrad Adenauer siyasi fondunun nümayəndəsi olub.
2004 – 2006-cı illərdə Gürcüstan Siyasi Akademiyasının rektoru, 2012-ci ildə daxili işlər nazirinin müavini olub.
Xatırladaq ki, ölkənin əvvəlki müdafiə naziri Tinatin Xidaşeli Respublikaçılar Partiyasının tərkibində seçkiqabağı mübarizəyə qatılması ilə əlaqədar öz postunu tərk edib. -02D-
Siyasət
-
İlham Əliyev İrakli Kobaxidzeni "Gürcü arzusu" partiyasının seçkilərdə qələbəsi münasibətilə təbrik edib və ona yeni uğurlar arzulayıb.
-
Yanvarın 17-də Bakının Xətai Rayon Məhkəməsi Meydan TV-nin jurnalistləri Aynur Elgünəş və Natiq Cavadlının ev dustaqlığına keçirilmələri haqqında vəsatətlərini təmin etməyib.
-
Toplum TV-nin işi üzrə polis nəzarətində olan jurnalist Fərid İsmayılov yanvarın 17-də saxlanılıb və Xətai Rayon Məhkəməsinə aparılıb. Bu barədə jurnalistin həmkarları məlumat veriblər.
-
Tolum TV nəşrinin işi üzrə təqsirləndirilən şəxslər (jurnalistlər və fəallar) barəsində ibtidai istintaq başa çatmaq üzrədir. Bu barədə Rəsul Cəfərov - Demokratik Təşəbbüslər İnstitutunun Ruslan İzzətlinin vəkili bildirib.
Rəy yaz