Dekabrın 3-də Yasamal rayon məhkəməsində Azər Tağıyevin sədrliyi ilə “Amerikanın Səsi” radiosunun müxbiri Tapdıq Fərhadoğlunun Yasamal Rayon Prokurorluğunun müstəntiqi Mübariz Əsədova qarşı şikayətinə baxılması davam edib.
Şikayət BDU tələbələrinin etiraz aksiyasının işıqlandırılması zamanı jurnalistə qarşı hücumla bağlı cinayət işi açmaqdan imtina ilə əlaqədar verilib.
Xatırladaq ki, fevralın 20-də BDU mühafizə xidmətinin rəhbəri Mahir Höcətov tələbələrin etiraz aksiyasını çəkən jurnalistin kürəyinə və başına dəfələrlə yumruq və təpik vurub
Bugünki iclasa jurnalistlər buraxılmayıb, baxmayaraq ki, əvvəlki iclasda mətbuat iştirak edib. Məhkəmə katibliyində bunu qanunvericiliyin tələbləri ilə əsaslandırıblar.
Fərhadoğlunun özünün verdiyi məlumata görə, iclasda videomateriallara baxış keçirilib.
Hakim Azər Tağıyev baxışdan sonra bildirib ki, jurnalistə qarşı “əməllər var və bədən xəsarətləri var”. Hakim əlavə edib ki, sübutlar araşdırıldıqdan sonra məhkəmə dekabrın 8-də qərarını elan edəcək.
Fərhadoğlu həmçinin qeyd edib ki, müstəntiq şahid qismində yalnız BDU mühafizə xidmətinin əməkdaşlarını dindirib.
Müstəntiq Mübariz Əsədov özü iddia edib ki, baş verənləri jurnalistin fəaliyyətinə mane olmaq kimi təvsif etmək olmaz, çünki “canlı videoyayım” yox idi.
Lakin Fərhadoğlu izah edib ki, qanunvericiliyə əsasən, məlumat yayılması videoyayım deyil, informasiya toplanması, istehsalı və yayılmasıdır.
Bundan başqa, jurnalist məhkəmədə Höcətovun BDU mühafizə xidmətinin rəhbəri olub-olmadığını, onun vətəndaşları saxlamaq və güc tətbiq etmək səlahiyyətləri olub-olmadığını və onun vəzifə səlahiyyətlərini aşıb-aşmadığını müəyyən etməyi xahiş edib.
O, həmçinin ona bədən xəsarətləri yetirilməsinin səbəblərinin araşdırılması və müalicə xərclərinin ödənilməsi zərurətini qeyd edib.
Fərhadoğlu deyib ki, məhkəmənin qərarının və təkrar istintaqın obyektiv olacağına ümid edir, belə ki, jurnalistə qarşı zorakılıq və onun qanuni peşə fəaliyyətinə maneə yaradılması ölkənin imicinə zərbə vurur. -06В-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz