Bu gün Ağır Cinayətlərə dair İşlər üzrə Bakı Məhkəməsində İkram Şirinovun sədrliyi ilə jurnalist Xədicə İsmayılovanın Yasamal rayon məhkəməsinin şərəf, ləyaqət və işgüzar nüfuzun qorunması haqqında qərarından verdiyi apellyasiya şikayətinə baxılıb. İsmayılova hökumətyönlü “İki Sahil” qəzetinə qarşı iddia qaldırıb.
2013-cü ilin mart ayında birinci instansiya məhkəməsi İsmayılovanın iddiasını qəbul etməyib.
İddia 2012-ci ilin mart ayında “İki Sahil” qəzetinin “Yeni Azərbaycan” qəzetində martın 13-də dərc edilmiş məqaləni təkrarən dərc etməsi ilə əlaqədar verilib.
Bu nəşrlərdə yalan, böhtan və təhqiredici məlumatlar və jurnalisti bədnam edən şərhlər yer alır. Lakin Apellyasiya Məhkəməsi şikayəti təmin etməyib.
Bundan əvvəlki iclasda məhkəmə tərəflərə sülh barışığı təklif etmişdi.
Media Hüquqları İnstitutu hər iki məhkəmənin qərarını “qanunsuz” adlandırıb. Bakı Apellyasiya Məhkəməsinin qərarından Ali Məhkəməyə kassasiya şikayəti veriləcək. -16D –
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz