Vəkil Elçin Sadlqov cümə günü təcridxanada bloger Mehman Hüseynov ilə görüşüb. “Hər şey əladır, mənə görə narahat olmayın”, - vəkil blogerin sözlərindən sitat gətirib. O, Turan-a bildirib ki, M.Hüseynovun əhval-ruhiyyəsi yerindədir. Ancaq səhhətilə bağlı problem yaranıb.
“Mehmanın venoz damarında genişlənmə ağrılarla müşayət olunur və bu, həbsxana şəraitində daha artıq diqqət tələb edir. Blogerin əməliyyat olunmasına ehtiyac var”, - vəkil bildirib. O, əməliyyat üçün şərait yaradılması məqsədilə Penitensiar Xidmətə müraciət etmək niyyətindədir,
Ancaq təcridxanada blogerə kitab verilməsinə maneçilik törədilir. Əslən İrandan olan Amerika yazıçısı Səhər Delicaninin “Çakaranda ağacının uşaqları” kitabını buraxmayaraq qadağan olunduğunu bildiriblər. Vəkil bunu qanunsuz adlandırıb. Çünki həmin kitab açıq satışda var.
Mehman Hüseynov martın 3-də Nəsimi Rayon Polis İdarəsinin rəisi Musa Musayevin xüsusi ittiham qaydasında şikayəti əsasında 2 il müddətinə azadlıqdan məhrum edilib. İddiaya blogerin Nəsimi polisində işgəncələrə məruz qalması barədə bəyanatı səbəb olub. 03C06—
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz