Mehman Hüseynovun şikayəti təmin edilməyib
“Bloger Mehman Hüseynovla bağlı Bakı Apellyasiya Məhkəməsi bizim vəsatətləri təmin etmədi”, - vəkil Elçin Sadıqov Turan-a bildirib.
O deyib ki, bu il yanvarın 10-da Nəsimi Rayon Məhkəməsinin M.Hüseynovun 200 manat cərimə edilməsi haqda qərarının əsassız olması haqda vəsatət verib. Amma Apellyasiya Məhkəməsi vəsatəti təmin etmədən birinci instansiya məhkəməsinin qərarını qüvvədə saxlayıb.
Vəkilin sözlərinə görə, daha bir vəsatət M.Hüseynova huşsuz halda Nəsimi rayon 22 saylı polis bölməsində imza atdırılması ilə bağlı olub: “M.Hüseynova huşsuz olduğu halda hansısa sənədlərə qol çəkdiriblər, biz bu imzaların M,Hüseynova aid olmaması, bu imzaların yoxlanılması barədə vəsatət qaldırdıq, bunu da təmin etmədilər”.
Vəkil bildirib ki, Bakı Şəhər Prokurorluğu blogerin polis bölməsində işgəncəyə məruz qalması ilə bağlı şikayətinin araşdırılmasını rədd edib. E.Sadıqov bu məsələdən də məhkəmə nəzarəti qaydasında şikayət verəcəyini söyləyib.
Xatırladaq ki, bloger M. Hüseynov yanvarın 9-u axşamüstü bir neçə nəfər tərəfindən naməlum istiqamətə aparılıb. Yalnız yanvarın 10-da Nəsimi Rayon Məhkəməsi önünə çıxarılarkən onun polis bölməsində saxlandığı məlum olub. Məhkəmə M.Hüseynovu polisə tabe olmamaqda təqsirli bilərək 200 manat cərimə olunması qərarı çıxarıb. Məhkəmədən sonra bloger polis bölməsində işgəncələrə məruz qalması və huşsuz olduğu halda hansısa sənədlərə imza atmağa məcbur edilməsi barədə jurnalistlərə açıqlama verib.-05B-
-
- Siyasət
- 31 Yanvar 2017 18:04
-
- İqtisadiyyat
- 31 Yanvar 2017 22:00
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz