Azər Qasımlı təkrar dindirmədən sonra prokurorluqdan çıxıb (yenilənib)
“Baş Prokurorluğun Ağir Cinayətlərə dair İstintaq İdarəsində dindirmə iki saatdan çox çəkdi”, - REAL Hərəkatının sədr müavini Azər Qasımlı yanvarın 31-də dindirmədən sonra Turan-a bildirib.
A.Qasımlı deyib ki, dindirmə bu il yanvarın 19-da İranın Azərbaycandakı səfirliyinin katibinin REAL-ın ofisinə gəlməsilə bağlı olub: “Elə bütün suallar da həmin məsələ ilə bağlı idi, sadəcə, fərqli rakurslardan verilirdi və biz də sualları cavablandırdıq”, - o qeyd edib.
A.Qasımlı Hərəkat təmsilçilərinin Baş Prokurorluğa çağırılmasını da dəyərləndirib: “Birincisi, bu, bizə təzyiqdir. Ikincisi, bizi qorxutmaqdır, üçüncüsü İran, Türkiyə, Rusiya səfirliklərinə mesajdır ki, hər hansı məsələ müzakirə olunacaqsa ancaq hakimiyyətlə müzakirə olunmalıdır. Hər hansı digər bir siyasi qüvvə ilə yox. Necə ki, hakimiyyət iqtisadi sahədə monopoliya yaradıb, bu da siyasi sahədə monopoliyadır”.
Xatırladaq ki, bu il yanvarın 19-da İranın Azərbaycan səfirliyinin katibi REAL-ın ofisinə gəlib və Hərəkat təmsilçilərilə görüşüb. Bununla başğlı baş prokurorun göstərişilə Hərəkat təmsilçilərinin prokurorluqda dindirilməsi başlayıb.
A.Qasımlı ikinci dəfə istintaqa ifadə verib. Bundan başqa Hərəkatın daha iki təmsilçisi Natiq Cəfərli və Erkin Qədirli dindirilib.-05B-
* * *
2017 Yanvar 31 (Çərşənbə axşamı) 15:49:41
REAL Hərəkatının İdarə Heyətinin üzvü Azər Qasımlı bu gün yenidən Baş Prokurorluğun Ağır Cinayətlər üzrə İstintaq İdarəsinə çağırılıb. Vəkil Elçin Sadıqov da onunla gedib, ancaq vəkili prokurorluğa buraxmayıblar. Bu barədə E.Sadıqov Facebook səhifəsində yazıb.
A.Qasımlı saat 13:00-da prokurorluğun binasına daxil olub.
Vəkil A.Qasımlının vəkilsiz dindirilməsini onun müdafiə hüququnun pozulması kimi qiymətləndirib.
“Məni buraxmadıqları üçün düşünürəm ki, A.Qasımlını müttəhim kimi cəlb edib həbs də bilərlər”, - vəkil yazıb.
A.Qasımlı şənbə günü prokurorluqda “REAL-ın iranlı diplomatdan guya pul alması barədə məlumatlar çərçivəsində” dindirilib. Bu “sensasiyalı məlumatı” Eynulla Fətullayev öz saytında dərc edib.
Bu gün REAL İdarə Heyətinin daha bir üzvü Erkin Qədirli də prokurorluğa çağırılıb. Yanvarın 19-da o, İran səfirliyinin əməkdaşı ilə görüşdə iştirak edib.
E.Qədirli Turan-a bidirib ki, ondan həmin görüş barədə soruşublar. O, bunu REAL-a təzyiq kimi qiymətləndirib.
“Bununla bizə göstərmək istəyirlər ki, biz hansısa həddi keçmişik”, - E.Qədirli vurğulayıb. -16D06-
-
- Cəmiyyət
- 31 Yanvar 2017 18:42
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz