![Turan agentliyinin «Azərsu»ya qarşı iddiası üzrə səkkizinci məhkəmə iclası nəticə verməyib](https://turan.az/resized/media/2017/main/013100181885-750-500-resize.webp)
Turan agentliyinin «Azərsu»ya qarşı iddiası üzrə səkkizinci məhkəmə iclası nəticə verməyib
Yanvarın 31-də 1 saylı Bakı İnzibati-İqtisad Məhkəməsində Turan İnformasiya Agentliyinin “Azərsu” ASC-yə qarşı iddiası üzrə 8-ci məhkəmə iclası keçirilib.
Bu dəfə “Azərsu”nun nümayəndəsi iclasa gəlməyib. “O bildirib ki, yas mərasimində iştirak edir və gələ bilməyəcək”, - hakim Şərafət Məmmədova Turan agentliyinin direktoru Mehman Əliyevə deyib.
Növbəti iclas fevralın 10-na təyin edilib.
“Azərsu”dan agentliyin sorğusuna cavab almaq prosesi 2016-cı il avqustun 30-dən davam edir. “İnformasiya azadlığı haqqında” qanun 7 iş günü ərzində cavab təqdim olunmasını tələb edir.
İlkin olaraq “Azərsu” ASC Turan-ın informasiya sorğularına məhəl qoymayıb və yeddi sualdan ancaq beşinə çətinliklə cavab verib. Bu dəfə su şirkəti aşağıdakı suallara cavab verəcəyini vəd edib:
- 29 mart 2016-cı ilədək alınan sayğacların sayı, növü və qiyməti;
- bir sayğacın quraşdırılmasının qiyməti, formalaşan maya dəyəri (smeta);
Agentliyin sorgusundan öncə məlum olub ki, “Azərsu” sayğacları ölkə prezidentinin 29 mart 2016-cı il tarixli sərəncamı ilə ayrılan vəsait hesabına yüksək qiymətə alır.
Agentlik hesab edir ki, sayğacların və montaj işlərinin qiyməti 5-19 dəfə şişirdilib. Məsələ bundadır ki, ayrılan 12 mln. manatdan 5,5 mln. manatına 50 min sayğac alınıb və daha 6,5 mln. manatın montaj işlərinə sərf edilməsi planlaşdırılıb.
Qeyd etmək lazımdır ki, “Azərsu” 2006-2009-cu illərdə Azərbaycanda sayğacların 100 faiz tətbiqi üzrə üçillik Dövlət Proqramını pozub. Şirkət bildirib ki, 2017-ci il yanvarın 1-dən əhali kateqoriyasından 1342248 abonentə 897350 və ya 66,9% sayğac quraşdırılıb. Qeyri-əhali qrupundan 58775 abonentə 48223 və ya 82 % sayğac quraşdırılıb.
Qəribədir ki, Dövlət proqramı başa çatdıqdan sonra “Azərsu” sayğacların tətbiq üçün yeni vəsait almaqda davam edib. Və nəzarət edən dövlət qurumlarının heç biri həmin vəsaitin yumşaq desək, qeyri-rasional istifadə edilməsi ilə maraqlanmayıb.—0--
-
- İqtisadiyyat
- 31 Yanvar 2017 16:23
-
- Siyasət
- 31 Yanvar 2017 18:04
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz