Məktəbli formasının istehsalı üçün iki müəssisə sertifikatlaşdırılıb
Standartlaşdırma, Metrologiya və Patent üzrə Dövlət Komitəsinə məktəbli formalarının keyfiyyəti və təhlükəsizliyi barədə çoxsaylı müraciətlər daxil olur. Belə ki, son günlərdə Bakı şəhərinin bir neçə ünvanında saxta əmtəə nişanlı, keyfiyyətsiz məktəbli formalarının satışı aşkar olunub. Bunun qarşısının alınması məqsədilə istehlakçılar məktəbli geyimlərinin istehsalı ilə məşğul olan təsərrüfat subyektləri barədə məlumat əldə etmək istəyirlər.
Komitə çoxsaylı müraciətləri nəzərə alaraq bildirir ki, məktəblilər üçün geyim dəsti istehsalını “Bakı Tikiş Evi” ATSC (Bakı şəhəri ərazisində və digər yerlərdə) və “Bakı Tekstil Fabriki” MMC (Sumqayıt şəhəri, Abşeron rayonu və digər yerlərdə) həyata keçirir. Hər iki müəssisəyə məxsus texniki şərtlərdə məhsulun keyfiyyəti, insan sağlamlığı və əmlakın qorunması üçün məcburi təhlükəsizlik tələbləri əksini tapıb. Şagirdlər üçün dəstlərin xarici görünüşü və modelin təsviri valideynlərin, məktəb direktorlarının və şagirdlərin iştirakı ilə seçilib, razılaşdırılıb və təsdiq olunub.
Hər iki müəssisənin istehsal etdiyi məhsulların laboratoriya sınaqları aparılıb, normativ sənədlərin tələblərinə uyğunluğu təsdiq edilib və Komitə tərəfindən akkreditə olunmuş sertifikatlaşdırma orqanı tərəfindən sertifikatlaşdırılıb.
Adıçəkilən müəssisələrdən başqa məktəbli formalarının istehsalı ilə bağlı Komitəyə heç bir müraciət daxil olmayıb. Odur ki, valideyn və məktəblilərə yalnız həmin müəssisələrin məhsullarının alınması tövsiyə edilir.
-
- İqtisadiyyat
- 22 Avqust 2013 14:44
-
- Cəmiyyət
- 22 Avqust 2013 15:03
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz