Məmməd İbrahim 3 il müddətinə azadlıqdan məhrum edilib
Bu gün paytaxtın Nərimanov rayon məhkəməsində Xalq Cəbhəsi Partiyasının idarə heyətinin üzvü Məmməd İbrahimin işi üzrə prosesdə hökm oxunub. İbrahim 3 il müddətinə azadlıqdan məhrum edilib.
Onun vəkili Yalçın İmanov Turan-a bildirib ki, hakim Turqay Hüseynovun hökmü hüquqi əsaslardan məhrumdur və onda proses iştirakçılarının ifadələri təhrif edilib.
Müdafiə tərəfi apellyasiya şikayəti vermək niyyətindədir.
“Biz Apellyasiya Məhkəməsinə inanmırıq, amma Avropa Məhkəməsinə müraciət etmək üçün bütün məhkəmə instansiyalarını keçməliyik”, deyə İmanov bildirib.
Qeyd edək ki, proses zamanı ittiham tərəfin bütün şahidləri İbrahimin təqsirsiz olduğunu və onun istintaqın zərərçəkmiş kimi tanıdığı şəxslərə qarşı güc tətbiq etmədiyini təsdiq ediblər.
İbrahim özü də ittihamları təkzib edib, müxalif siyasi fəaliyyətinə görə təqib olunduğunu bildirib. Hüquq müdafiə təşkilatları İbrahimi siyasi məhbus kimi tanıyıblar.
* M.İbrahim ötən il sentyabrın 30-da xuliqanlıq (221.1) ittihamı ilə həbs edilib (Şikayəti keçmiş AXCP üzvü Mikayıl Quliyev verib). Sonradan bu maddə daha ağır ittihama – 221.2.2-ci maddəyə tövsif edilib. Həmin maddə üzrə İbrahim 5 ilə qədər azadlıqdan məhrum edilə bilərdi. -06B-
-
- İqtisadiyyat
- 15 Mart 2016 14:31
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz