![Dövlət satınalmalarına nəzarət üzrə yeni struktur ayın sonunda işə başlayır](https://turan.az/resized/./turan-750-500-resize.webp)
Dövlət satınalmalarına nəzarət üzrə yeni struktur ayın sonunda işə başlayır
Satınalmalar üzrə Dövlət Agentliyinin ləğvetmə komissiyası yaxın günlərdə işini başa çatdırır. Antiinhisar Siyasəti və İstehlakçıların Hüquqlarının Müdafiəsi Dövlət Xidməti yanında dövlət satınalmalarına nəzarət üzrə yeni struktur bu ayın sonunda işə başlayacaq, deyə keçmiş SDA-nın aparat rəhbəri Ələkbər Quliyev Turan-a bildirib.
Ləğvetmə komissiyasının tərkibində cəmi 20 nəfər var. Onların yarısı keçmiş SDA-nın işçiləridir. O, 2015-ci ilin oktyabrından dövlət satınalmaları üzrə informasiya bazasının yenilənməməsini bununla izah edib.
Prezidentin SDA-nın ləğvi barədə fərmanı bu il yanvarın 15-də imzalanıb. Sənədlə onun öhdəlik və funksiyaları Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə verilir.
Nazirlər Kabineti Antiinhisar Siyasəti və İstehlakçıların Hüquqlarının Müdafiəsi Dövlət Xidməti haqqında Əsasnamənin yeni layihəsini, habelə Xidmətin strukturu və işçilərinin ümumi say həddi barədə təkliflərini bir ay müddətində hazırlayıb prezidentə təqdim etməlidir.
Qeyd edək ki, «Dövlət satınalmaları haqqında» qanun 2001-ci ilin dekbarından qüvvədədir. O vaxtdan qanuna cüzi dəyişikliklər edilib.
Yerli və xarici mətbuatda tender qanunvericiliyinin pozulması, dövlət vəsaitlərinin mənimsənilməsi çoxlu məqalələr dərc edilib. Bütün bunlar qanunvericilikdəki boşluqlar sayəsində mümkün olub. Hökumət bu cür yazılara reaksiya vermir. --08B—
-
- Cəmiyyət
- 15 Mart 2016 14:46
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz