Bu gün Bakı Apellyasiya Məhkəməsində xuliqanlıq ittihamı ilə üç il azadlıqdan məhrumetmə cəzasına məhkum edilmiş Xalq Cəbhəsi Partiyası sədrinin müşaviri Məmməd İbrahimin şikayətinə baxılmasına başlanılıb.
Vəkil Fariz Namazlı prosesdə üç vəsatət irəli sürüb: qətimkan tədbirinin seçilməsi, təkrar məhkəmə istintaqı həyata keçirilməsi ilə apellyasiya şikayətinə baxılması və İbrahimə prosesdə vəkillərinin yanında oturmağa icazə verilməsi.
Bütün vəsatətlər təmin edilməyib və şikayətə mahiyyəti üzrə baxılması mayın 13-nə təyin edilib.
Namazlının Turan-a verdiyi məlumata görə, o, öz həmkarı və müvəkkili ilə birlikdə apellyasiya məhkəməsinin hazırlıq iclasından kassasiya şikayəti verilib-verilməyəcəyini müzakirə edəcək.
* M.İbrahim ötən il sentyabrın 30-da xuliqanlıq ittihamı (221.1-ci maddə) ilə həbs edilib (Şikayəti keçmiş AXCP üzvü Mikayıl Quliyev verib). Sonradan bu maddə 221.2.2-ci maddə üzrə daha ağır ittihama tövsif edilib, bu maddə üzrə İbrahimi 5 ilə qədər azadlıqdan məhrumetmə cəzası gözləyir. Birinci instansiya məhkəməsində proses zamanı ittiham tərəfin bütün şahidləri İbrahimin təqsirsizliyini və onun istintaqın zərərçəkmiş kimi tanıdığı şəxslərə qarşı güc tətbiq etmədiyini təsdiq ediblər. İbrahim özü də ittihamları təkzib edib, müxalif siyasi fəaliyyətinə görə təqib edildiyini bildirib. Bununla belə, Nərimanov rayon məhkəməsi martın 15-də İbrahimi təqsirli bilib və 3 il müddətinə azadlıqdan məhrumetmə cəzasına məhkum edib. Hüquq müdafiə təşkilatları İbrahimi siyasi məhbus kimi tanıyıblar. -06B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz