Məmmədyarov: Moskva mərhələli tənzimləmə təklif edib, Bakı razıdır

Rusiya Azərbaycana Qarabağ probleminin mərhələli həllini təklif edir, bu sensasiya doğuran bəyanatı cümə günü Bakıda keçirilən mətbuat konfransında XİN rəhbəri Elmar Məmmədyarov səsləndirib.

"Bizə mərhələli həll təklif ediblər, bu, maraqlı təklifdir. Təhlükəsizlik üçün erməni qoşunlarının Azərbaycanın işğal olunmuş ərazilərindən çıxarılması vacibdir", deyə nazir qeyd edib.

Daha sonra o, Rusiyanın rolu haqqında ikimənalı qeyd edib, Moskvanın fəallaşmasını aysberqlə müqayisə edib. "Yalnız zirvə görünür, suyun altında nə olduğunu heç kim bilmir", deyə o qeyd edib.

Moskvanın təklifinin nədən ibarət olduğu haqqında sualı şərh edən nazir deyib ki, bu, yenilənmiş "Madrid prinsipləri"dir, amma yeniliyin nədən ibarət olduğunu dəqiqləşdirməyib.

Nazir Ermənistan tərəfin Azərbaycanın sülhə qarşı olduğu haqqında ittihamlarını təkzib edib. "Sülhün yeni mərhələsi Moskvada razılaşdırılıb və biz ona riayət olunmasını vacib hesab edirik", deyən nazir Bakının münaqişənin danışıqlar yolu ilə həllinin tərəfdarı olduğunu və hərtərəfli saziş imzalanmasını dəstəklədiyini təsdiq edib.

Qeyd edək ki, indiyədək heç kim on il əvvəl gündəlikdən çıxarılmış mərhələli həllin tətbiqi ideyası haqqında heç kim danışmırdı. Yerevanda RF XİN rəhbəri Lavrov münaqişəni mərhələli şəkildə həll etmək təklifi barədə heç nə deməyib. İndi isə Moskvanın strategiyası aydın olur - birinci mərhələdə Qarabağ ətrafında 5 rayon azad edilir, qaçqınlar qaytarılır, Qarabağ müvəqqəti status alır, sərhədlər açılır və s.

Lakin Ermənistanın reaksiyasından göründüyü kimi, Yerevan bu variantı qəbul etmir. Qarabağ separatçılarının liderləri də eyni mövqe nümayiş etdirir. Bütün bunlar ermənilərin sülhə məcbur edilməsi variantının tamamilə real ssenari ola biləcəyini göstərir. -06/02В-