Мамед Ибрагим
Bakı/28.09.18/Turan: Azərbaycan Xalq Cəbhəsi Partiyası (AXCP) sədrinin müşaviri, həbsdə olan Məmməd İbrahim 16 saylı koloniyada aclığa başlayıb. O, həbs müddətinin bitməsinə iki gün qalmış karserə salınmasına etiraz edir. Bu barədə Turan-a onun oğlu Turan İbrahim bildirib.
O xatırladıb ki, sentyabrın 27-də atasını karserə salıblar, guya onun yastığının altından bıçaq tapılıb.
Öz növbəsində Penitensiar Xidmətin ictimaiyyətlə əlaqələr şöbəsinin rəisi Mehman Sadıqov Turan-ın sorğusunun cavabında bildirib ki, vaxtaşırı məhkumların üzərində axtarış aparılır. Növbəti belə tədbir zamanı M.İbrahimdən kəsici-deşici alət aşkar edilib. Bundan sonra O, cərimə kamerasına salınıb və araşdırma başlayıb.
M.İbrahimin karserə salınması sosial şəbəkələrdə fəalların narazılığına səbəb olub. Çoxları hesab edir ki, M.İbrahimi azadlığa buraxmamaq üçün ona qarşı təxribat törədilib.
Xatırladaq ki, Məmməd İbrahim 2015-ci il sentyabrın 30-da həbs olunub və CM-in 221.2.2-ci maddəsi (polisə müqavimət göstərməklə xuliqanlıq) 3 il azadlıqdan məhrum edilib. O, hüquq müdafiəçiləri tərəfindən siyasi məhbus kimi tanınıb.-06D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz