![Məmurlar Goranboyda su problemi yaradıblar](https://turan.az/resized/media/2013/main/122600063410-750-500-resize.webp)
Məmurlar Goranboyda su problemi yaradıblar
Goranboy rayonu Qızılhacılı qəsəbəsinin bir qrup sakini pay torpaqlarını suvarmaq üçün su verilməməsinə dair cümə axşamı BMM-də mətbuat konfransı keçirib.
Qəsəbə sakini Akif Mahmudov Nizaməddin Quliyev 2010-cu ildən Goranboya icra başçısı gələndən sonra su məhrumiyyətlərinə məruz qaldıqlarını deyib.
Hazırda qəsəbənin azı 50 ailəsinin pay torpaqlarının sudan məhrum olunduğu nəzərə çatdırılıb. Sudan məhrum olunmalarının səbəbini öyrənmək üçün rayon su idarəsinə müraciət etdikdə sakinlərə limit ayrılmaması kimi absurd cavab verilib.
Rayon icra başçısı narazı qəsəbə sakinlərini qəbul etmir, qalan məmurlar da yalan vədlərlə aldadırlar. “Özü də bu limit söhbəti yalnız suvarma zamanı gələndə işə düşür, bu limit sadə adamlara aid olur, amma məmurların biznes qurumları istədiyi qədər su işlədir”, - deyə A.Mahmudov qeyd edib.
Hazırda tarlalar suvarılmalı olduğu halda bunu edə bilmədikləri üçün səpinin bir hissəsinin çürüdüyü, bir hissəni çöl quşlarının, bir hissəni isə gəmiricilərin yediyi nəzərə çatdırılıb. Məmurların belə münasibəti üzündən məhsul və maliyyə itkisinə məruz qaldıqlarını deyən sakinlər buna görə heç kəsin cavabdehlik daşımadığını bildiriblər. Hər il səpin işilə bağlı min manat vəsait xərclədiklərini deyən sakinlər sonda bu işin altından zərərlə çıxırlar. “Goranboyda heç bir dövlət qurumu normal fəaliyyət göstərmir, bunun da da əziyyətini məmurlar yox, sadə vətəndşalar çəkir”, - deyə A.Mahmudov rayondakı duruma mövqe ifadə edib.
Onların fikrincə, dövlət başçısı İlham Əliyevin Goranboy rayonunda məmur özbaşınalığından xəbəri yoxdur, Bakıya verilən informasiyalar da rayon məmurlarının yalanlarından ibarətdir.
“Biz son ümid yeri olaraq mediaya üz tutmuşuq ki, bizim səsimizi aidiyyatı qurumlara çatdırın və bizə köməklik edin”, - deyəA.Mahmudov mətbuat konfransı keçirmələrinin mahiyyətini açıqlayıb. -05C-
-
- Söz istəyirəm
- 26 Dekabr 2013 15:48
Cəmiyyət
-
Daxili İşlər Nazirliyinin Kibertəhlükəsizliyə Qarşı Mübarizə Baş İdarəsinin əməkdaşlarının keçirdiyi əməliyyat nəticəsində Əhməd Məmmədov və Etibar Vəliyev saxlanılıb. Onlar vətəndaşların bank kartlarından pul oğurlamaqda şübhəli bilinirlər.
-
İyulun 17-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi, lakin günün birinci yarısında bəzi yerlərdə arabir yağış yağacağı gözlənilir. Mülayim şimal-qərb küləyi əsəcək.
-
Sosial şəbəkələrdə polis əməkdaşının vətəndaşın cibinə bir paket qoyduğuna, daha sonra şiddət tətbiq edərək onu saxladığına dair görüntülər yayılıb. Bu kadrların yayılmasından bir gün sonra DİN onlara münasibət bildirib.
-
Fövqəladə Hallar Nazirliyinin "112" qaynar telefon xəttinə Xızı rayonu, Yeni Yaşma qəsəbəsi ərazisində sursat aşkar edilməsi barədə məlumat daxil olub. Məlumatla əlaqədar dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.
Rəy yaz