Mərhum əsgərin kəndində fövqəladə vəziyyətdir

Göyçay rayon polisi fevralın 28-də hərbi xidmət zamanı dünyasını müəmmalı şəkildə dəyişən əsgər Seymur Allahverdiyevin dəfn mərasiminə gələn hüquq-müdafiəçiləri və jurnalistləri buraxmaq istəməyib. Bu hadisə haqda Turana “Azadlıq” qəzetinin müxbiri Ramin Deko bildirib.

O, bildirib ki, S.Allaverdiyevin dəfn olunacağı Göyçayın Kürdəmiş kəndinə aparan hər 3 yolu polislər bağlayıblar. Hüquq müdafiəçiləri və jurnalistləri kəndə buraxmayacaqlarını deyiblər. Polislər bunu S.Allahverdiyevin ailə üzvlərinin və qohumlarının hüquq müdafiəçiləri və jurnalistlərlə görüşmək istəməməsilə əlaqələndiriblər. Bu barədə hüzr mərasimində olan insanlarla əlaqə saxlanıldıqda  məlum olub ki, polislər yalan danışır. Daha sonra mərhum əsgərin qohumları hüquq müdafiəçiləri və jurnalistlərin saxlandıqları yerə gələrək buraxılmalarını. istəyiblər, bunu S.Allanverdiyeivin atası da tələb edib. Amma bu tələblər nəticəsiz qalıb. Daha sonra mərhumun qohumları gələrək qonaqları maşınlarına əyləşdirərək mərasim keçirilən həyətə aparıblar.

Jurnalist hüquq müdafiəçisi Vidadi İskəndərliyə isnadən hüquq müdafiəçiləri və jurnalistlərin kəndə buraxılamamasına göştərişi polisin rayon icra başçısının vediyini nəzərə çatdırıb. Kənddə çoxsaylı mülki geyimli kənar şəxslərin olması nəzərə çatdırılır, ictimai fəallar bu şəxslərin təhlükəsizlik orqanlarının əməkdaşları olduqlarını bildirirlər.

R.Deko dəfnin martın 2-si saat 12-yə nəzərdə tutulduğunu desə də hələ ki, dəfnin baş tutmadığını deyib. Qeyd edib ki, atası mərhum oğlunun ekspertizadan keçirilməsini istəyir, ekspertiza olmayana kimi dəfnə razılıq verməycəyini bəyan edib. Onun sözlərinə görə müdafiə nazirliyndən əsgərin ailə üzvlərinə ekspertiza keçirilməsi üçün ekspertlərin rayona yola düşdükləri haqda məlumat verilib.-05B-