G.Aslanlı: Bununla baş vermiş hadisənin mahiyyətini kiçiltmək istəyirlər

Müsavat partiyası başqanının müavini Gülağa Aslanlı şənbə günü Lənkəran polisinə izahat verib. Bu haqda Turana G.Aslanlı özü bildirib.

O, qeyd edib ki, izahat yanvarın 13-də Lənkərana səfərə gedən Müsavat partiyası başqanı İsa Qəmbərə və partiya nümayəndə heyətinə qarşı baş vermiş basqınla bağlı olub. İzahat Lənkəran polis şöbəsinin təhqiqat  şöbəsinin rəisi Sədaqət Qəhrəmanova verilib. G.Aslanlı izahatında hadisənin bütün təfərrüatlarını qeyd etdiyini söyləyib.

O, deyib ki, baş vermiş hadisə haqqında yanvarın 18-də ölkə prokuroluğuna müraciət edib. Müraciətində hadisəni ağır cinayət kimi dəyərləndirib və prokuroluqdan cinayət işi başlanması, ciddi tədbirlər görülməsini tələb edib.

G.Aslanlı ölkə prokuroluğuna ünvanladığı müraciətin rayon polisinə göndərilməsini baş vermiş hadisənin mahiyyətini kiçiltmək cəhdi kimi dəyərləndirib. Bu addıma əsasən G.Aslanlı hüquq-mühafizə orqanlarının baş vermiş hadisə ilə bağlı tədbir görməmək isətməməkdə ittiham edib.

G.Aslanlı digər tərəfdən rayona polisə izahat vermək üçün gəlməsinə baxmayaraq üzərində polis nəzarəti olduğunu, sərbəst hərəkət etməsinə imkan verilmədiyini bidlirib. Hazırda rayonu tərk etmək rəərəfəsində olduğunu söyləyib.-05B-