Məşhur bəstəkar Cavanşir Quliyevin vəziyyəti ağır olaraq qalır
Türkiyədə yaşayan azərbaycanlı bəstəkar Cavanşir Quliyev fevralın 5-də insult keçirib və xəstəxanaya yerləşdirilib.
Bu həftə ərzində onun vəziyyəti kritik olaraq qalıb. Son məlumatlara görə, bu gün o, əməliyyat olunmalı idi.
Hökumətyönlü KİV-lərin məlumatına görə, Cavanşir Quliyevin müalicəsini Heydər Əliyev Fondu ödəyir.
Qeyd edək ki, Cavanşir Quliyev siyasi əqidəsi ilə əlaqədar 15 ildən çoxdur faktiki olaraq sürgündə idi. O, müxalifəti dəstəklədiyi üçün təzyiqə məruz qaldıqdan sonra işləmək üçün Türkiyə və Şimali Kiprə getmək məcburiyyətində qalıb.
İki il əvvəl hakimiyyət "gözlənilmədən" bu şəxsin milli mədəniyyət qarşısında böyük xidmətləri olduğunu xatırlayıb və onu geri çağırıb.
2020-ci ilin aprelində Turan Agentliyi bəstəkarla videomühasibə hazırlayıb, bu müsahibədə o, baş verənlər haqqında özü danışıb.
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz