Bu gün bir qrup şəxs iki illik fasilədən sonra işini bərpa etmiş “Atahan Dəmir Sənaye” metallurgiya müəssisəsinin fəaliyyətini iflic edib. Bu barədə facebook səhifəsində müəssisənin həmsədri, Milli Məclisin keçmiş deputatı Nazim Məmmədov bildirib.
Müəssisəyə gələn üç nəfər hədə yolu ilə işi dayandırmağa məcbur ediblər. Müəssisə sahiblərin çağırışı ilə gələn 20 polis laqeydcəsinə baş verənləri izləyiblər, hətta basqınçılar Məmmədovun əlindən telefonu zorla aldıqda belə.
Zərərçəkmişin sözlərinə görə, 2012-ci ilin yayında da olduğu kimi, hücumçular Rasim Məmmədovun – “Baku Steel Company” MMC Müşahidə Şurası sədrinin “reketçilər qrupunun” üzvləridir.
2012-ci ilin avqustunda “Baku Steel Company” MMC-nin rəhbərliyi Bakıda 20-yə yaxın metallurgiya müəssisəsinə hücum təşkil edib və onların fəaliyyətini dayandırıb. Bu əməllər mətbuatda geniş əksini tapıb, amma bu faktlar üzrə cinayət işləri açılmayıb. Bununla da “Baku Steel Company” inşaat armaturu və digər metal məhsulların istehsalında tam inhisar yaradıb.
Onun arxasında hakimiyyətdə güclü qruplaşmalardan biri durur, bu qrup həmçinin Daşkəsəndə digər nüfuzlu qrupa məxsus dəmir filizi yatağını da əlinə keçirməyə çalışıb. Ölkə prezidenti münaqişəyə müdaxilə etmək məcburiyyətində qalıb, yataq üzərində nəzarəti Nazirlər Kabinetinə verib.
Müəssisəyə bugünki hücum faktı ilə bağlı Bakı şəhərinin Binəqədi rayon 5 saylı polis şöbəsinə şikayət göndərilib. Bazar ertəsi Nazim Məmmədov mətbuat konfransı keçirəcək. -08D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz