Senator Kardin: Demokratiya olmadan enerji təhlükəsizliyi ola bilməz

Mayın 15-də Vaşinqtond senator Bencamina Kardin Ramiz Yunusu (Arif Yunusovun qardaşı) qəbul edib. Kardin ABŞ Helsinki Komissiyasına rəhbərlik edir və “Maqnitski qanunu”nun qəbulu onun adı ilə bağlıdır.

Ötən həftə Kardin məşhur hüquq müdafiəçisi Leyla Yunusun və onun həyat yoldaşı Arif Yunusun Bakı aeroportunda saxlanılmasını tənqid edib.

Meydan.tv-yə müsahibəsində Ramiz Yunus görüşün dünən Konqresdə senatorun ofisində keçirildiyini bildirib.

Kardinin vəziyyət haqqında kifayət qədər məlumatı var, amma ona vətəndaş cəmiyyəti fəallarının, müxalifətçilərin, jurnalistlərin və gənclər təşkilatları üzvlərinin təqib edilməsi faktları haqqında əlavə məlumatlar verilib.

Yeni repressiyalar dalğasının səbəbi və repressiyaların ilk növbədə Azərbaycanın Avropaya İnteqrasiyasının tərəfdarlarına toxunması haqqında ətraflı söhbət aparılıb. Senator deyib ki, bir çox həmkarları kimi, onu da Azərbaycanda insan hüquqları sahəsində vəziyyət narahat edir. Bu, ABŞ-ı narahat edir, belə ki, avtoritar rejim olduğu yerdə enerji təhlükəsizliyi ola bilməz. “Gec ya yez vəziyyət nəzarətdən çıxa bilər, buna görə o, ölkəmizdə insan hüquqları ilə bağlı vəziyyəti diqqətlə izləməkdə davam edəcəyinə söz verib. O, həm Amerika administrasiyasının nümayəndələri, həm də Azərbaycan hökumətinin nümayəndələri ilə bu haqda bilavasitə danışmaq niyyətindədir. -0-