Mətbuat icmalı-14.02.13

 

Qəzetlərin baş məqalələri müxtəlif mövzulara həsr olunub. Ənənəvi olaraq rəsmi və iqtidaryönlü qəzetlər prezidentin qəbulundan və hökumətin  tərifindən ibarət baş məqalələr yazıblar. Müstəqil və müxalifətyönlü qəzetlər isə keçmiş deputat Gülər Əhmədovanın həbsi, Prezident Administrasiyasının rəhbəri Ramiz Mehdiyevin işə çıxmaması, Dağlıq Qarabağ münaqişəsi, Rusiya prezidentinin yaxın adamı Gürcüstan əsilli azərbaycanlı Söyün Sadıxovun Gürcüstanda yaşayan azərbaycanlıları bu ölkədən ayırmaq planı barədə yazıları birinci səhifələrində dərc ediblər. Bütün qəzetlərdə Gülər Əhmədovanın həbsi və Əkrəm Əylislinin “Daş yuxular” romanı ilə bağlı müxtəlif səpkili yazılar dərc edilib. Şeyxülislam Hacı Allahşükür Paşazadə yazıçını “mürtəd” adlandırıb. 

 

“Azadlıq”

Rüstəm İbrahimbəyovun həbsinə hazırlıq gedir. O, vergidən yayınmaqda günahlandırılır. 

Tələbə Qəbulu üzrə Dövlət Komissiyasının ali təhsil müəssisələrinin reytinqi üzrə hazırladığı siyahı narazılıq yaradıb. Siyahıya ötən il yaradılmış Ali Neft Məktəbi başçılıq edir. Sonrakı yerləri İdarəçilik Akademiyası, Tibb Universiteti, Diplomatiya Akademiyası, Bakı Dövlət Universiteti və 

digərləri tutur. 

Dünən Qafqaz Müsəlmanları İdarəsində bir qrup deputat və ziyalı, dini icmaların rəhbərlərinin iştirakı ilə “Daş yuxular” romanı müzakirə olunub. Yazıçı kəskin tənqid edilib, ondan dövlət 

təltiflərinin  geri alınması barədə fikirlər səslənib. Allahşükür Paşazadə Əkrəm Əylislini “mürtəd” adlandırıb. 

Naxçıvanda müxalifət qəzetlərinin satışı dayandırılıb.  Bu barədə  yerli sakinlər bildiriblər. 

Naxçıvan Mərkəzi Poçtu uzun müddətdir ki, muxtar respublikaya müxalifət qəzetlərini gətirmədiklərini təsdiq edib. 

Qəzet “Əliyev nə qədər maaş alır, xalqı necə dolanır?” başlıqlı yazı dərc edib. Azərbaycan prezidentinin  aylıq maaşı 15 min manatdır (19 min dollar). Dövlət başçısının aylıq maaşı ibtidai sinif müəlliminin maaşından 50 dəfə çoxdur. Müəllimin orta aylıq maaşı 283, həkimin maaşı isə 164 manatdır. Əliyevin 

maaşı orta əmək haqqından 55 dəfə çoxdur. Orta aylıq əmək haqqı 325 manatdır.

“İlham Əliyevin “Harınları” məqaləsində prezidentin ötən gün məmurlarla bağlı sərt bəyanatından bəhs edilir. Müəllif hesab edir ki, prezidentin sərt bəyanatı seçkilərə hesablanıb və əvvəlki bəyanatları kimi real nəticəsi olmayacaq. “Ölkədən 48 milyard dolların çıxarılması, Dubaydakı villalar, ölkədəki 

şirkətlərin böyük əksəriyyətinin prezidentin ailəsinə məxsus olması barədə yerli və beynəlxalq medianın yazdığına heç bir reaksiya verilmir”.

 

“Ekspress” 

“Münaqişə 25 yaşına çatdı” məqaləsində Dağlıq Qarabağ münaqişəsi və sülh prosesindən danışılır. Dağlıq Qarabağ münaqişəsi nəticəsində Azərbaycan ərazilərinin 20 faizi işğal olunub, hər 8 nəfərindən biri qaçqına çevrilib, 20 min insan həlak olub, 50 min insan yaralanıb, 5 min nəfər itkin düşüb, 

872 yaşayış məskəni, o cümlədən 11 şəhər, 12 qəsəbə, 848 kənd dağıdılıb. “Hazırda nə müharibə, nə sülh, nə də Qarabağ var”, müəllif qeyd edir. 

Politoloq Qabil Hüseynli bildirib ki, Rusiya Azərbaycana qarşı psixoloji savaş açıb. “Müxalifət rusiyameylli adamlarla təmaslarında ehtiyatlı olmalıdır”. 

Ədalət Partiyasının sədri, Milli Məclisin deputatı İlyas İsmayılov müəllifi olduğu biznes fəaliyyəti ilə məşğul olan deputat və məmurların cinayət məsuliyyətinə cəlb olunması ilə bağlı qanun layihəsinin parlamentin Hüquq siyasəti və dövlət quruculuğu komitəsinin geri qaytarmasını pisləyib. 

“Komitə məsələyə hüquqi mövqedən yanaşmaq əvəzinə, “Məlikməhəmməd nağılı” danışırlar. Komitənin qərarı korrupsionerlərə bir töhfədir”, İlyas İsmayılov bildirib. 

 

“Bizim Yol” 

Gülər Əhmədovanın mülkləri müsadirə olunur. Sabiq deputat Bakının müxtəlif yerlərində, əsas mərkəzi hissələrdə 9 mənzil, 4 böyük bağ evi və 4 iri sahəli obyektə sahibdir. 

Prezident Administrasiyasının rəhbəri Ramiz Mehdiyev fevralın 11-dən məzuniyyətdədir. O, akademik Mahmud Kərimovla vida mərasiminə qatılmayıb. 

Xaçmazda döyülən təlimçilərin səhhəti pisləşib. Seçkilərin Monitorinqi və Demokratiyanın Tədrisi Mərkəzinin təlimçiləri Günay İsmayılova və Cavid Nəbiyev fevralın 12-də Xaçmazda 

təlim keçərkən polis tərəfindən saxlanılıblar. Mərkəzin icraçı direktoru Bəşir Süleymanlının dediklərinə görə, təlimçilər 8 saat ac və susuz saxlanılıblar. Onlar fiziki və mənəvi təzyiqlərə 

məruz qalıblar.     

Ziyalılar Forumunun həmtəsisçisi Eldar Namazov prezidentin məmurları tənqid edən sərt bəyanatının nəticəsinin olmayacağını bildirib: “Gözəl imkan yaranmışdı, prezident Eldar Əzizovu (Sumqayıt şəhərinin İcra Hakimiyyətinin başçısı) ayağa qaldırıb deyərdi ki, mənim ad günümdə 51 metr tort bişirib əhalini ora niyə toplamısan?”. 

Qəzetin məlumatına görə, prezident müşavirədə nazir Füzuli Ələkbərova sərt xəbərdarlıq edib. Prezident həmçinin Gəncə, Sumqayıt, İmişli, Salyan, Goranboy, Göygöl, İsmayıllı, Nərimanov, Xətai rayonlarının rəhbərlərini ayağa qaldırıb, iradlarını bildirib. İlham Əliyev adı çəkilən rayonların icra

başçılarının sahibkarlara qarşı soyğunçuluğundan xəbərdar olduğunu bildirib və onlara sonuncu xəbərdarlıq edib. 

 

“Bakı Xəbər” 

“Söyün Sadıqovun Gürcüstan azərbaycanlılarını parçalamaq missiyası...” məqaləsində deyilir ki, Putinin adamı “Müstəqil Borçalının” xəritəsini, himn və  gerbini hazırlatdırıb. Bu barədə Gürcüstanın “Obyektiv” televiziyasına Gürcüstan Azərbaycanlılarının Milli Konqresinin rəhbəri Əli Babayev 

bildirib. 

Gürcüstanda Şərq Tərəfdaşlığı nəqliyyat nazirlərinin görüşündən sonra keçirilən mətbuat konfransında Ermənistan nəqliyyat nazirinin müavini bildirib ki, ölkəsi imkan düşən 

kimi Bakı-Tbilisi-Qars dəmir yolundan istifadə edəcək. 

Azərbaycanın nəqliyyat naziri Ziya Məmmədov isə deyib ki, dəmir yolunun təşəbbüsçüsü və maliyyələşdirən Azərbaycan dövlətidir: “Nə qədər ki, Ermənistan Azərbaycan ərazilərini 

işğalda saxlayır yoldan istifadə edə bilməz”. 

 

“Yeni Müsavat” 

Prezident Administrasiyasının şöbə müdiri Əli Həsənov deyib ki, administrasiyanın rəhbəri Ramiz Mehdiyev bu həftənin əvvəlində məzuniyyətə çıxıb və fevralın 15-də işə qayıdacaq. 

Nəqliyyat naziri Ziya Məmmədovun qardaşı oğlu Fuad Məmmədov Salyan rayon polis rəisi vəzifəsindən azad edilərək Baş Narkotiklərlə Mübarizə İdarəsinə rəis müavini təyin edilib. 

Sabiq spiker Rəsul Quliyev qəzetə müsahibəsində deyib ki, ölkəni xaos bürüyəcək. O bildirib ki, yaxın vaxtlarda İctimai Palata və Ziyalılar Forumunun liderləri ilə birbaşa söhbətlər aparacaq. 

 

Rəy yaz

Cəmiyyət

Чего добивается Россия в Армении, и что обещали Еревану на трехсторонней встрече в Брюсселе? - беседа с Тиграном Хзмаляном в программе "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Bizi sosial şəbəkələrdə izləyin

Xəbər lenti