Fevralın 12-dən Azərbaycan Hava Yolları Bakı-Tbilisi-Bakı istiqamətində ekonom sinif sərnişinləri yeni tarif tətbiq edib.
Aeroport yığımları nəzərə alınmadan hər iki istiqamətdə bilet 120 avro təşkil edir. Bu barədə aviaşirkətin rəsmi məlumatında deyilir.
AZAL şirkətinin bilet satışı üzrə agenti olan “Silk Way Travel” turizm şirkətindən Turan-a bildirilib ki, yeni tarif üzrə bilet sərnişinlərə 219 manata başa gələcək. Bundan əvvəl hər iki istiqamətə bilet 240 manat təşkil edirdi.
AZAL sözügedən hava xəttində yalnız müasir Aerobus A-319, A-320 tipli hava gəmilərindən istifadə edir. Bakı-Tbilisi-Bakı marşrutu üzrə reyslər gündə iki dəfə həyata keçirilir. Eyni zamanda AZAL bu marşrut üzrə “Qatar Airways” aviaşirkəti ilə birgə reysləri də həyata keçirir. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz