![Mətbuat konfransı, yoxsa müdaifə konfransı?](https://turan.az/resized/./turan-750-500-resize.webp)
Mətbuat konfransı, yoxsa müdaifə konfransı?
Bakı sakini Səyyarə Heydərova anasının vəfat etməsinin səbəblərilə bağlı cümə günü RATİ-də mətbuat konfransı keçirib.
S.Heydərovanın anası 7 ay öncə vəfat edib. S.Heydərovanın iddiasına görə, bu ölüm insultla bağlı olub. Amma həkimlər bu faktı araşdırmayıblar. Anasının ölümündən S.Heydərova şoka düşüb. Ölüm faktı ilə bağlı sənədləri gec alıb, bu sənəddə anasının yıxılması və sağ bazu sümüyünün sınması səbəb ilə vəfat etməsi göstərilib. Amma S.Heydərova anası yıxılandan sonra üç gün normal danışdığını bildirib. Üç gündən sonra nitq qabiliyyətini itirib və bundan sonra vəfat edib.
S.Heydərova bu fakta görə anasının ölümünə səbəb kimi sağ bazu sümyünün sınmasını yox, insult keçirərək vəfat etməsini gösətirir. Həkimlərin bu faktı qeydə almamalarını cinayət əməli kimi dəyərləndirir. Bununla bağlı S.Heydərova dəfələrlə hüquq-mühafizə orqanlarına müraciət etsə də, cinayət işi qaldırılmaqdan imtina edilib. Bu fakt üzrə cinayət işi qaldırılması iddiası ilə son çarə olaraq məhkəmə instansiyalarına müraciət etməyi nəzərdə tutduğunu vurğulayıb.
Bu mətbuat konfransının diqqət çəkən tərəfi mətbuat nümayəndəsi adı ilə tədbirə gələn və S.Heydərovaya sözünü deməyə imkan vermək istəməyən bir neçə şəxsin “fəallığı” idi. Özlərini təqdim etməyən bu şəxslər onlara kimlər tərəfindən verildiyi məlum olmayan ekspertiza rəylərini göstərir, S.Heydərovanı yüksək tonla ruhi xəstə adlandırır, müalicəyə ehtiyacı olduğunu deyirdilər. Bu adamlar S.Heydərovanın danışmasına imkan vermirdilər. Özü də S.Heydərova hüquq-mühafizə oqranları ilə bağlı tənqidi fikir ifadə etmək istədikdə təhqirə qədər əl atırdılar. Bu qalmaqallı mətbuat konfransı elə qalmaqalla da başa çatdı. Bir məsələ elə qaranlıq qalırdı, bu şəxslər mətbuat konfransına gəlmişdilər, yoxsa hüquq-mühafizə oqranlarını müdafiə etməyə? -05D-
-
- Cəmiyyət
- 7 Mart 2014 19:08
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz