Rəsmi qəzetlər Avropa İttifaqının “Şərq tərəfdaşlığı” üzrə Vilnüs sammitinin nəticələrini Azərbaycan üçün “Avrointeqrasiya yolunda yeni mərhələnin başlanğıcı” kimi dəyərləndiriblər.
“Azadlıq” qəzeti rəsmi Kiyevin Vilnüs sammitində avrointeqrasiya kursundan imtina etməsinə cavab olaraq Ukraynada yarım milyon nəfərə yaxın insanın etiraz aksiyasına çıxmasını, daxili işlər nazirinin xalqdan üzr istəməsini ilk səhifəyə çıxarıb.
Avropa İttifaqı ilə assosiasiya və azad ticarət haqqında sazişlərin imzalanması Azərbaycan oliqarxlarının maraqlarına zidd olduğu üçün ekspertlər məmurların bu addımı əngəllədiyini bəyan edirlər.
Qəzet əslən Naxçıvandan olan AXCP üzvlərinin Koordinasiya Şurası təsis etdiklərini bildirir.
Media mənsubları yeni köşklərdə müxalif qəzetlərinin satışında hər hansı müsbət addımın olmadığını, bu köşklərin “Azadlıq” və digər müxalif qəzetləri satması haqda xəbərləri “gözə kül üfürmək” adlandırırlar.
Qəzet Bakı metropoliteninin rəisi Tağı Əhmədovun və dəmiryol nəqliyyatının başçısı Arif Əsgərovun vəzifələrindən çıxarılacaqlarını iddia edir.
Ölkənin bir sıra müstəqil vəkilləri ölkə məhkəmələrinin sifarişli əsassız qərarlarına “məhkəmələrin repressiya aparatı rolunu oynaması” şərhini veriblər.
“Yeni Müsavat” ölkə “büdcə investisiya piroqu”ndan hansı məmura nə qədər pay düşməsi rəqbətinin büdcə qanunvericiliyini pozduğunu, büdcə layihəsində investisiyaların ilkin bölgüsü haqda sənədin hələ də olmadığını yazır.
Milli Şuranın Mitinq Komitəsinin sədri, AXCP sədrinin müavini Asəf Quliyevin Milli Şuranı dağıdan bəzi şəxslərin əlindən müxalifət düşərgəsindən getdiyi bəyanatına əks tərəf “cəsarəti varsa, nə üçün getdiyini və neçəyə getdiyini açıq desin” cavabını verib.
Göyçay Rayon İcra Hakimiyyəti problemi olan sakinlərlə görüşə gələn hüquq müdafiəçisi Vidadi İsgəndərlini “sərxoş olmaqda, polisə tabe olmamaqda, dövlət əleyhinə danışmaqda” ittiham edərək 15 sutka həbs cəzası verdirib.
Qəzet yazır ki, bu günlərdə həbsə alınan uyuşdurucu qaçaqmalçılarından birinin PA-nın məsul işçisi, Fizuli rayon polis rəisi və Sumqayıtın ən böyük xəstəxanasının müdirilə əlaqələri aşkarlanıb.
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz