Ölkədə iki ildir pambıq istehsalı azalır, pambıqçılığa dövlət dəstəyi yoxdur.
Bu il noyabrın əvvəli üçün pambıq istehsalı 31,5 min ton olub. Bu, 2012-ci ilin eyni dövründəkindən 35,6% azdır. İstehsal həcmi əkin sahələrinin azalması fonunda baş verir. Mütəxəssislər bunu yerli və dünya bazarında alış qiymətinin ucuzluğu ilə əlaqələndirir. «Pambıq şirkətləri gizli kartel yaradıblar, fermerləri qane etməyən qiymətlər təyin edirlər. Bir ton pambıq üçüncü ildir eyni qiymətə – 420 manata alınır», deyə adının çəkilməsini istəməyən pambıqçılıq mütəxəssisi bildirib. Bu gün ölkədə pambıq biznesi ilə əsasən “MKT İstehsalat Kommersiya” MMC (Kəmaləddin Heydərovun ailəsinə məxsusdur) və “CTS-Aqro” MMC (Azərbaycan Beynəlxalq Bankı nəzarət edir) məşğul olur.
Bu il 23,5 min ha sahədə pambıq əkilib. 2012-ci ildəkindən 19,6% azdır. Mütəxəssislərin fikrincə, əkin sahələrinin azalmasına səbəblərdən biri də əlverişsiz hava şəraiti olub. Müqayisə üçün deyək ki, 2011-ci ildə pambıq əkini sahələri 42,8 min ha olub və 66,4 min ton pambıq yığılıb.
Müstəqillik dövründə ən aşağı məhsuldarlıq (31,9 min ton) 2009-cu ildə olub. O vaxt 21,1 min ha-da pambıq əkilmişdi.
2013-cü ildə pambıq yığımı barədə yekun məlumatı Dövlətstatkom 10 dekabra kimi açıqlayacaq.
Il | 2007 | 2008 | 2009 | 2010 | 2011 | 2012 |
pambıq (min ton) | 100,1 | 55,4 | 31,9 | 38,2 | 66,4 | 57,0 |
əkin sahəsi (min hektar) | 75.6 | 48.5 | 21.1 | 30.2 | 42.8 | 29.2 |
-08B –
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz