![Mətbuat-Monitorinq 01.07.14](https://turan.az/resized/750/500/resize/media/2014/main/070100083018.jpg)
Mətbuat-Monitorinq 01.07.14
Rəsmi qəzetlər dövlət başçısı İlham Əliyevin Ağstafa rayonunun sosial-iqtisadi inkişafı üçün ilk olaraq 2 milyon manat ayırması haqda sərəncamının mətnini dərc ediblər.
“Azadlıq” qəzeti ATƏT PA-nın iclaslarının keçirildiyi “Fairmont” (Alov qüllələri) otelində ATƏT-in bir neçə deputatının AXCP sədri Əli Kərimli ilə görüşünə icazə verilməməsini “iqtidarın avropalılar önündə özünü biabır etməsi” sayır.
İlham Əliyevlə məxfi görüşə görə Fransa prezidenti Ollandı tənqid edən “Le Monde” qəzeti Azərbaycanda həyatlarını riskə ataraq insan haqlarını müdafiə edən şəxslərə Yelisey sarayının açıq şəkildə dəstək verməsi tələbini irəli sürüb.
Qəzet rəsmi Bakının Milli və Beynəlxalq Araşdırmalar Mərkəzi, Demokratiya və İnsan Hüquqları Resurs Mərkəzinin bank hesablarına həbs qoyduğunu yazır.
Ekspertlər ölkədə qul əməyinin genişlənməsinə toxunaraq bu cinayətdə vəzifəli şəxslərin rolu olduğunu bəyan edirlər.
Qəzetin iddiasına görə, hüquq-mühafizə orqanlarının bu günlərdə keçirdiyi “vəhabi əməliyyatı” zamanı Bakı meri Hacıbala Abutalıbovun oğlu saxlanılıb.
AŞPA-nın sessiyasında İlham Əliyevin yalançı adlandırdığı britaniyalı deputat Pol Flin dövlət başçısını Strasburqda “lovğa və dalaşqan” kimi aparmaqda ittiham edib.
ATƏT PA-nın Bakı sessiyası çərçivəsində siyasi məsələlər və təhükəsizlik komitəsnin iclasında Anar Məmmədlinin həsbində siyasi motiv olması ilə bağlı ATƏT qanununa 44-cü düzəliş edilib, Bakıda ATƏT-in ofisinin açılması təklifləri qəbil edilib, deputat Rəbiyyət Aslanovanın bu təkliflərə etirazları qəbul olunmayıb.
“Ekspress” seysmoloqların Xəzərdəki yeraltı təkanların Bakıda güclü zəlzələ yarada biləcəyi xəbərini ilk səhifəyə yerləşdirib.
Milli Elmlər Akademiyası Bakının səmərəli idarə olunması üçün paytaxtın 5 rayona bölünməsini və Xırdalanla Sumqayıtın Bakıya birləşdirilməsini təklif edir.
“Exo” vaxtı ötmüş, amma qaytarılmamış kreditlərin Azərbaycan banklarını depozitlərin faiz dərəcələrini belə ödəyə bilməmək kimi “qırmızı xəttə” yaxınlaşdıracağı iddiasını ilk səhifəyə çıxarıb.
“Novoe Vremya” ATƏT-in PA-nın Bakı sessiyasının əsas müzakirəsini “yenə də siyasi məhbuslar haqqında...” ifadəsilə oxucuya anladır.
“Bizim yol” ANS telekanalının bağlanmaqla hədələndiyini yazaraq “kanalın sübh azanına görə mötəbər dairələrin qəzəbinə gəldiyini” iddia edir.
“Yeni Müsavat” kənd təsərrüfatı naziri Heydər Əsədovun buğda istehsalçılarına verilən dövlət yardımlarının mənimsənilməsi faktları ilə bağlı 58 rayonda araşdırma aparılmasını “H.Əsədov icra başçılarına qarşı” olması kimi dəyərləndirir.
Keçən ilin mayında qətlə yetirilən kardioloq Cavid Həmşəyevin valideynləri bu qətlə görə gəlinləri İradə Oruclu və Aslan İsmayılovu təqsirli bildikləri barədə ifadə veriblər.
Deputat Vahid Əhmədov iqtidarda olan bəzi şəxslərin Rusiya ilə əlaqələrdə maraqlı olmalarını “hakimiyyətdə Rusiyada çox ciddi biznesi olan insanlar var” şəklində ifadə edib.
Avrasiya İqtisadi İttifaqına üzv olmağa görə Rusiyanın 3 rayonun qaytarması ilə razılaşmağı “Kremlin Qarabağ ilgəyi” adlandıran ekspertlər bu yolla bütün torpaqları itirə bilmək xəbərdarlığı edirlər.
-
- Siyasət
- 1 İyul 2014 12:27
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz