Mətbuat-Monitorinq 01.08.13
Rəsmi və iqtidaryönlü qəzetlər dövlət başçısı İlham Əliyevin Tərtər rayonunun sosial inkişafı ilə bağlı 3 milyon 200 min manat vəsaitin ayrılması haqda sərəncamının mətnini dərc ediblər.
Mərkəzi Seçki Komissiyası siyasi partiya və blokların seçkilərdə iştirakı ilə bağlı təlimatlarını səhifələrində yerləşdirib.
Bu qəzetlər ölkənin protest elektoratı olan Milli Şuranı və onun rəhbərliyini aşağılayan, ünvanına yalan, böhtan və iftira olan 20-yə yaxın məqalə həsr edib.
“Azadlıq” qəzeti nəqliyyat naziri Ziya Məmmədovun nəqliyyat sahəsini və Rusiya ilə əlaqələri kurasiya etmək üçün baş nazirin müavini vəzifəsinə gətirilməsi üzərində iş getdiyini bildirir.
REAL Hərəkatının həbsdə olan rəhbəri İlqar Məmmədov Azərbaycanın hüquq- mühafizə orqanlarının 25 vəzifəli şəxsinə sanksiya tətbiq olunması ilə bağlı Avropa komissiyasına müraciət edib.
Polisin vətəndaşlara qarşı kobudluğu ilə bağlı çəkiliş apardığına görə polis siyasi fəal Bəxtiyar Hacıyevi saxlayıb və sonradan sərbəst buraxıb.
Daxili işlər nazirinin müavini Oruc Zalovun “qanunsuz aksiyaların qarşısının alınacağı” ilə bağlı bəyanatına müxalif siyasətçilər “iqtidarın növbəti dəfə polis dəyənəyindən istifadə edəcəyi ilə bağlı mesaj” şərhini veriblər.
Siyasi ekspertlər deputat Mehriban Əliyevanın prezidentliyə namizədlyinin irəli sürülməsinə “iqtidarın nəzarətindən kənar, təsadüfi addım olmaması” qənaətini ifadə ediblər.
“Zerkalo” İranın Azərbaycan səfirinə istinadən Araz çayı suyunun 50%-nin Urmiya gölünə axıdılacağı barədə bəyanatı ilk səhifəyə çıxarıb.
Qəzet Milli Şuranın sədri və prezidentliyə vahid namizədi Rüstəm İbrahimbəyovun qarşıdakı seçkilərdə iştirakının mümkün ola bilməməsini açıqladığını qeyd edir.
“Ekspress”. Kənd Təsərrüfatı Nazirliyi bazarları bağlayaraq əvəzinə iri marketlərin yaradılması ilə bağlı təklif verib.
Daxili İşlər Nazirliyi ötən 6 ayda 10048 cinayətin qeydə alındığını, 361 cinayətkar qrup və 10 mütəşəkkil dəstənin zərərsizləşdirildiyini nəzərə çatdırır.
“Exo” 2010-cu ildən azərbaycanlıların xaricə səfərlərinin artdığını yazan qəzet hər il bu səfərlərdə 400 milyon manata qədər xərc edildiyini bildirir.
“Novoe Vremya” ölkədə seçkilərin aktiv fazasına keçməsinə az qaldığı bidr vaxtda bəzi məmurların bəyanatlarını seçkilərin demokratik olmayacağı barədə anons kimi dəyərləndirir.
Qəzet ABŞ səfirliyinin bu seçkilərlə bağlı birmənalı olmayan bəyanatlarını “Ağ Evin Azərbaycanda saxta demokratiyaya dəstək göstərməsi” adlandırır.
“Bizim yol” Azərbaycan müxalifətinin Tbilisi sammitinin nəticəsiz bitməsini yazaraq bunu “Milli Şuranın böhran məngənəsində olması” kimi şərh edir.
Təhsil üzrə ekspertlər təhsilə xərclənən 100 milyonlarla vəsaitin bu sahədə real heç bir nəticəyə səbəb olmadığı barədə bəyanat səsləndiriblər.
“Yeni Müsavat” Milli Şuranın sədri Rüstəm İbrahimbəyovun prezidentliyə namizəd olmaq üçün şansını itirdiyini yazaraq bunu “Tbilisi sammitindən boykota doğru” kimi dəyərləndirir.
Sumqayıtda doğum evinə pul verə bilməyən hamilə qadın xəstəxanadan qovulub.
Seçkiləri müxalifətin hakimiyyətə gəlməsi üçün son şans saymadığını deyən siyasətçi Arif Hacılı “demokratiyaya keçid təxminən Gürcüstandakı kimi olacaq” bəyanatınə səsləndirib.
Cəmiyyət
-
Baş Prokurorluq Kənd təsərrüfatı mallarının ixracı ilə əlaqəli olan və bundan əldə olunan vəsaiti ölkəyə qaytarmayan vəzifəli şəxslərin növbəti qrupunun "ifşa" edildiyini bildirib.
-
Oktyabrın 26-da saat 04:35-də Azərbaycandan Rusiya istiqamətində hərəkət edən yük qatarının vaqonunda yüklərin arasında gizlənərək dövlət sərhədini qanunsuz keçməyə cəhd göstərən şəxs Dövlət Sərhəd Xidməti əməkdaşlarının sayıqlığı nəticəsində saxlanılıb.
-
Oktyabrln 28-də səhər güclü yağıntı nəticəsində Bağırov köprüsünü su basıb. Nəticədə Heydər Əliyev prospektində nəqliyyatın hərəkətində tıxac yaranıb, avtomobil sürücüləri bildiriblər.
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
Rəy yaz