Mətbuat-Monitorinq 01.11.14

Rəsmi qəzetlər bəzi qanunlara dəyişikliklərlə bağlı fərman və sərəncamların mətnlərini ilk səhifələrdə yerləşdiriblər.

“Azadlıq” qəzeti PA-nın rəhbəri Ramiz Mehdiyevin Paşayevləri hədəfə almasını manjetə çıxararaq, “PA rəhbərinin rəqiblərini sıradan çıxarmaq istəyinin iqtidar daxilində ciddi qarşıdurmaya səbəb olacağını” bildirir.

Dini komitədə keçirilən müşavirədə Qafqaz Müsəlmanları İdarəsi (QMU) təmsilçilərinin iştirak etməməsini qəzet PA rəhbərinin Şeyxi “ofsayt”a salması kimi dəyərləndirir.

Milli Şuranın noyabrın 10-na yeni aksiya təyin etməsinə diqqət çəkən qəzet siyasilərin xalqa aksiyada iştirak etmək çağırışları səsləndirdiklərini nəzərə çatdırır.

Qəzet Nyu-Yorkda yerləşən Jurnalistləri Müdafiə Komitəsinin “Azadlıq” qəzetinin əməkdaşı Xalid Qarayevin həbsini pisləyən bəyanat yaydığını qeyd edir.

AXCP Göyçay rayon təşkilatı Gənclər Komitəsinin üzvü Məhəmməd Mirzəli son vaxtlar “dəb”ə minən ünvansız söyüş söymək ittihamı ilə 20 sutka inzibati cəza alıb.

Müdafiə Nazirliyinin keçirdiyi tenderlərin qalibini yalançı şirkətlər olduğunu araşıdran qəzet Ağarəhim Məmmədov adlı şəxsin 2 ayda 76, Allahyar Mirzəyevin isə 31 şirkət qeydiyyatdan keçirməsini nəzərə çatdırır.

Espertlər ölkə vətəndaşlarının 20 manata Tbilisiyə, oradan isə AZAL-ın qiymətlərinin yarısına bərabər qiymətlərlə Rusiyanın şəhərlərinə gedəcəklərini yazaraq, bu məqamı “Tbilisinin AZAL-ın budcəsini öldürəcəyi” adlandırırlar.

“Ekspress” qəzeti Dağıstanda azərbaycanlıların hamisi kimi tanınan Qurban Qurbanovun vəzifədən azad olunmasına Dərbənd sakinlərinin narazılığını önə çəkib.

Ortaq türk dilinin yaradılması sahəsində çalışan mütəxəssislər artıq infromasiya 1300 ortaq termin yaratdıqlarını bəyan ediblər.

“Novoe Vremya” qəzeti avropalı diplomatların Azərbaycana səfərlərinə etirazını “nə barədə danışaq,  neft, yoxsa demokratiya?” şəkilində ön plana çxarır.

“Bizim yol” qəzeti əslən azərbaycanlı olan İlqar İmanovun Rusiyada evindən 500 milyon dollarlıq narkotik vasitə çxımasını ilk səhifədə yerləşdirib.

Qəzet nəqliyyat sahəsində yaranan xaosu Nəqliyyat Nazirliyinin qiymət artımı ilə tənzimləmək bəyanatını “yeni bahalaşma üçün köhnə bəhanə” adlandırır. 

Xəzərdəki əsas neft platformalarından birini BP-nin təmirə dayandırmasına ekspertlər Azərbaycanın bir ayda 360 milyon dollar itirəcəyi şərhi veriblər.

Dərbəndin azərbaycanlı rəhbəri olmuş Qurban Qurbanovun vəzifədən azad olunduğunu, ev dustağına döndərildiyini yazan qəzet şəhərdə üsyan ola biləcəyi xəbərdarlığı edir.

“Yeni Müsavat” qəzeti Təhsil Nazirliyinin rayon təhsil şöbələri əvəzinə regional idarələrin yaradılması haqda qərarının təxirə salınmasını “icra başçılarının nazirin əmrini geri oxutdurması” kimi dəyərləndirərək ilk səhifəyə çıxarıb.

Qəzetin iddiasına görə, bu günlərdə Sumqayıtda yanan “Karvan” ticarət mərkəzi nazir Ziya Məmmədova məxsusdur, Ağamirzə Əhəd isə mərkəzin “faizli xozeyni”dir.

Nəqliyyat naziri Ziya Məmmədovun oğlu Anar Məmmədovun Türkiyədə keçmiş mühafizə rəisinin qətlini sifariş verməsilə bağlı vəkili Ruslan Məmmədov yaxın günlərdə mətbuata ətraflı açıqlama verəcəyini söyləyib.