Ətriyyat və kosmetik vasitələrin idxalı azalır?

Rəsmi məlumata görə, 2013-cü ildə ətriyyat, dəri, dırnaq, makiyaj və başqa vasitələrin idxalı $19 mln 756 min təşkil edib. Bu, 2012-ci ildəkindən 12,4% azdır. Müqayisəli analiz göstərir ki, ətriyyat və kosmetik vasitələrin qeyri-leqal dövriyyəsi idxal həcmindən 5 dəfə çoxdur.

Gürcüstan Statistika Departamentinin məlumatına görə, 2013-cü ildə bu ölkəyə  $42,7 mln manatlıq ətriyyat və qadın kosmetika vasitələri idxal edilib. Bu, 2012-ci ildəkindən 36,1% çoxdur. Rəsmi rəqəmlərdən belə çıxır ki, əhalisi Azərbaycandan iki dəfə az olan Gürcüstanda adambaşına ətriyyat və kosmetika vasitələri istehlakı Azərbaycandankından çoxdur. Amma Azərbaycan sakinləri bununla razılaşmaz, çünki ölkədə qadınlar bəzənməyə gürcülərdən və istənilən Avropa ölkəsinin qadınlarından çox fikir verir.

Azərbaycan gömrüyü ilə idxalçıların (əsasən “İdeal” və “Sabina”) “əyri güzgüsü” bu il dəyişməyib. DGK-nın məlumatına görə, bu ilin I yarısında ölkəyə xaricdən $5 mln 193,9 min məbləğində 156,2 ton ətriyyat və tualet suyu, $4 mln 222,9 min məbləğində 1295,5 ton kosmetik vasitə gətirilib. Gürcüstanda 9 ayda bu malların idxal həcmi $32,3 mln olub.

“İdeal” mağazalar şəbəkəsinin 15,  “Sabina”nın 12 obyekti var.

Beləliklə, Gürcüstanda xərclənən məbləğə istinad edib demək olar ki, Azərbaycanda $80 mln məbləğində ətriyyat və kosmetika vasitələri idxal vergisindən yayındırılır. 08B