Aktauda təyyarə qəzasında həlak olan 25 nəfərin kimliyi müəyyən edilib
Qazaxıstan tərəfi AZAL-ın dekabrın 25-də Aktauda qəzaya uğramış təyyarəsinin 5 ekipaj üzvü daxil olmaqla, təyyarədə olan 67 nəfərin vətəndaşlığı haqqında məlumatları dərc edib. Qəza zamanı 38 nəfər həlak olub, 29 nəfər sağ qalıb.
Bu gün Qazaxıstanın nəqliyyat naziri Marat Karabayev Aktauda keçirilən brifinqdə bildirib ki, sərnişinlər arasında 37 Azərbaycan vətəndaşı olub, onlardan 23-ü həlak olub, 14 nəfəri sağ qalıb.
Qırğızıstandan üç sərnişin olub, onlar üçü də sağ qalıb. Rusiya vətəndaşları 16 nəfər olub, onlardan 7-si həlak olub, 9 nəfər sağ qalıb. Qazaxıstandan olan altı sərnişinin hamısı həlak olub.
Öz növbəsində, Azərbaycan Səhiyyə Nazirliyi həlak olan 25 nəfərin kimliyinin müəyyən edildiyini bildirib. Siyahı idarənin saytında yerləşdirilib, siyahıda adları olan şəxslərin vətəndaşlıqları göstərilməyib.
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz