Təyyarə qəzası: Qəza, yoxsa təxribat? – İlham İsmayıl Çətin sualda

AZAL-ın Bakı-Qroznı reysini yerinə yetirən sərnişin təyyarəsi bu gün səhər saatlarında qəzaya uğradı.

AZAL-ın yaydığı məlumata görə, qəzaya uğrayan sərnişin təyyarəsinin göyərtəsində 62 sərnişin, 5 ekipaj üzvü olmaqla, ümumilikdə 67 nəfər olub.

Təyyarənin göyərtəsində 16 Rusiya, 37 Azərbaycan, 6 Qazaxıstan və 3 Qırğızıstan vətəndaşı olub.

Qazaxıstanın Səhiyyə Nazirliyinin məlumatına görə, AZAL-ın Qazaxıstanın Aktau şəhərində qəzaya uğrayan təyyarəsində sağ qalanların 14-ü Azərbaycan, 10-u Rusiya, 2-i Qırğızıstan vətəndaşıdır. Sağ qalanlardan üçünün vətəndaşlığı müəyyən edilməyib.

Azərbaycan Baş Prokurorluğunun nümayəndəsi Kənan Zeynalovun AZAL-ın Qazaxıstanın Aktau şəhərində qəzaya uğrayan təyyarəsi ilə bağlı brifinqdə dediyinə görə, hazırkı məlumata görə 32 nəfər sağdır, onların müalicəsi aparılır.

Azərbaycan Respublikasının Baş Prokurorluğunda Aktauda AZAL-a məxsus təyyarə qəzası ilə bağlı cinayət işi açılıb.

Prezident İlham Əliyev Aktaudakı təyyarə qəzasına görə Rusiyadan Azərbaycana geri qayıdıb. Dövlət başçısının sərəncamı ilə dekabrın 26-da Azərbaycanda matəm elan edilib.

Prezident İlham Əliyev təyyarə qəzası ilə bağlı keçirdiyi müşavirədə bildirib ki, hadisə ilə bağlı Baş nazir Əli Əsdovla danışıb, onun rəhbərliyi ilə komissiya yaradılıb.

“Mənə verilən məlumata görə, Bakı-Qroznı marşrutu ilə hərəkət edən AZAL şirkətinə məxsus təyyarə havanın pisləşməsi ucbatından istiqamətini dəyişmiş və Aktau hava limanına tərəf uçmağa başlamış, eniş zamanı qəza baş verib. Mediada, sosial şəbəkələrdə təyyarənin qəzaya uğraması anları mövcuddur. Ona görə onu hər kəs görə bilər. Ancaq qəzanın səbəbləri bizə bəlli deyil. Müxtəlif versiyalar var. Hesab edirəm ki, hələ bu barədə danışmaq tezdir. Məsələ tam araşdırılmalıdır. Baş Prokurorluq tərəfindən cinayət işi açılıb və təbii olaraq Azərbaycan ictimaiyyəti həm komissiyanın işinin nəticələri, həm də cinayət işinin gedişatı ilə bağlı müntəzəm olaraq məlumatlandırılacaq”, - Prezident deyib.

Təhlükəsizlik məsələləri üzrə ekspert İlham İsmayıl Kamran Mahmudovun təqdimatında yayımlanan “Çətin sual” verilişində  hadisə barədə danışır.