Rəsmi qəzetlər dövlət başçısı İlham Əliyevin İsmayıllı-Göytəpə-Ruşan-Qalıncaq yolunun çəkilməsi ilə bağlı İsmayıllı Rayon İcra Hakimiyyətinə 3,4 milyon manat vəsaitin ayrılması haqda sərəncamın mətnini ilk səhifələrə çıxarıblar.
“Azadlıq” qəzeti ölkəyə daxil olan dərmanların həcminin Gömrük Komitəsində gizlədilməsini qeyd edərək bu həcmin 500 min manat olması iddiasını manjetə çıxarıb.
“Azadlıq” qəzetinin KİV-lərə Dəstək Fondu tərəfindən maliyyələşdirilməməsini media ekspertləri “iqtidarın “Azadlıq”ı çökdürmək istəməsi” adlandırırlar.
AZAL-ın prezidenti Cahangir Əsgərovun prezidenti olduğu Ağır Atletika Federasiyası özünü buraxıb, federasiya 500 min manat cərimə edilib və buna səbəb beynəlxalq dopinq qalmaqalıdır.
Vəkil Əlayif Həsənov Gəncədə fəaliyyət göstərən QHT rəhbəri Həsən Hüseynlinin həbsini qanunsuz adlandırıb.
Məhkəmədən sonra təcridxanaya aparılan “NİDA”çı gənclər maşında çox saxlanmalarına etiraz etdiklərinə görə nəzarətçilər maşına bibər qazı buraxıblar.
“Ekspress” orta məktəblərdə dərs müddətinin iyun ayına kimi uzadılması xəbərini önə çəkib.
Qəzet Dövlət Neft Fondunun Cənubi Koreyada 447 milyon dollarlıq daşınmaz əmlak aldığını bildirir.
“Novoe Vremya” Ukrayna hadisələrindən sonra Azərbaycanın NATO-ya cəlb olunması səslərinin sıxlaşmasına “Azərbaycana NATO-ya bilet verirlər... o həddən artıq baha başa gəlməz ki?” mövqeyini ifadə edir.
“Bizim yol” azərbaycanlı oliqarxın Krımda Putinə villa tikdirməsi və iqamətgahın “Qazprom”un törəmə şirkətlərindən birinin adına rəsmiləşdirilməsi xəbərini ilk səhifəyə çıxarıb.
Qubada 3 kəndin sakinlərinə məxsus bağ ərazilərində aeroport tikintisi sakinlərin etirazına səbəb olub.
“Yeni Müsavat” “avro-4” standartlı yanacağın ölkəyə xaricdən gətiriləcəyini yazaraq bununla da ölkədə benzinin qiymətinin yenidən bahalaşa biləcəyi anonsunu ilk səhifəyə çıxarıb.
“NİDA”çı gənclər məhkəmə prosesində MTN-də saxlandıqları istintaq müddətində müstəntiqlərin fiziki və psixoloji təzyiqlərinə məruz qalmaları haqda açıqlama veriblər.
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz