Rəsmi qəzetlər dövlət başçısı İlham Əliyevin qəbulları haqda xəbərləri, bəzi fərmanların mətnlərini ilk səhifələrdə yerləşdiriblər.
“Azadlıq” qəzeti İlham Əliyevin Kreml layihəsi olan Avrasiya İttifaqına girməyə hazırlaşdığını önə çəkərək bunu “Rusiyanın Suriyanı Azərbaycan ərazilərindən vurmağa hazırlaşması” kimi manjetə çıxarıb.
Korneki Fondunun əməkdaşı Tomas de-Vaala görə, Azərbaycan və Ermənistan hakimiyyətləri özlərini xilas etmək üçün “kiçikmiqyaslı müharibənin astanasındadırlar”.
AŞPA sessiyasının qəbul etdiyi qətnamədə Azərbaycanın adı Avropa İnsan Haqları Konvensiyasını ratifikasiya etmiş ölkələr arasında məhkəməyə qədərki həbslərdən sui-istifadə edən azsaylı ölkələr içində çəkilir.
Dövlət başçısı İlham Əliyevin prokurorluq sistemi işçilərinin bir qrupunu təltif etməsini qəzet “haqq sözü boğanların mükafatlandırılması” kimi şərh edir.
“Standard &Poors” beynəlxalq şirkəti pul vahidlərinin zəifləməsinə görə Azərbaycan banklarının risklərinin artdığını bəyan edir.
“Ekspress” Azərbaycanda Rusiyanın yaratdığı birliklərdə yer almamaq mövqeyi güclü olsa da nazir Elmar Məmmədyarovun “Azərbaycan Avrasiya İttifaqına qoşula bilər” bəyanatını məşhur “heç vaxt “heç vaxt” deməyin” kimi şərh edir.
Baş prokuror Zakir Qaralov səbəblərindən danışmasa da ölkədə intharların artmasından “narahatlıq” keçirdiyini bildirir.
Beynəlxalq Valyuta Fondu qlobal iqtisadiyyatı “uzun sürəcək ucuz neft qiyməti dövrü”nün gözlədiyini bəyan edib.
“Exo” qeyri-rəsmi statistikaya görə, Azərbaycanda 160 min nəfər qeyri-leqal əmək miqrantı olmasını diqqət mərkəzinə çəkib.
“Novoe Vremya” Rusiyanın Suriyaya girməsinə Səudiyyə Ərəbistanının etirazına “Səudiyyə Ərəbistanı nəyə güvənir?” mövqeyini önə çəkib.
Qəzet Bakı küçələrində “böyrək satılır” elanına “biz hara yuvarlanırıq?” mövqeyini nəzərə çatdırır.
“Yeni Müsavat” Kremlin Azərbaycanı İŞİD-lə müharibəyə çəkmək barədə mesajları olması iddiasını “cəhənnəmə gedənin özünə yoldaş axtarması” kimi dəyərləndirərək ilk səhifəyə çıxarıb.
İranın Azərbaycandakı səfiri Möhsün Pakayin Mina dağındakı izdihamda həlak olan və şəxsiyyətləri müəyyən edilməmiş 21 konteynr cəsədin qaldığını bəyan edib.
Ekspertlər Azərbaycanın Kreml layihəsi olan Avrasiya İttifaqına daxil ola bilməsinə “bu Azərbaycana baha başa gələ bilər” xəbərdarlığını ediblər.
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz