Bakıda Alman Birliyi Gününün 25 illiyi qeyd edilib
Oktyabırn 1-də Bakıda Almaniya Milli Birliyinin 25-ci ildönümü qeyd olunub.
Tədbirdə Azərbaycan xarici işlər nazirinin müavini Mahmud Məmmədquliyev, xarici dövlətlərin Azərbaycanda akkreditə olunmuş diplomatik nümayəndəliklərinin təmsilçiləri, ictimaiyyət və media nümayəndələri iştirak ediblər.
Tədbiri giriş sözü ilə açan Almaniyanın Azərbaycandakı səfiri Haydrun Tempel qonaqları salamlayıb.
O, çıxışında Alman Birliyi Gününün tarixindən, iki ölkə arasında mövcud əlaqələrdən danışıb.
Diplomat Almaniyanın Azərbaycanın müstəqilliyini tanıyan ilk ölkələrdən biri olduğunu xatırladıb, gələcəkdə ikitərəfli əməkdaşlığın müxtəlif sahələrdə daha da inkişaf edəcəyinə əminliyini bildirib.
Səfir həmçinin Almaniyanın 2016-cı ildə ATƏT-ə sədrlik edəcəyini və bu müddətdə Azərbaycan və digər tərəfdaşları arasında münasibətlərin daha da inkişaf etdirilməsi üçün çalışacağını vurğulayıb.
Daha sonra çıxış edən Azərbaycan xarici işlər nazirinin müavini Mahmud Məmmədquliyev Azərbaycan hökuməti adından alman xalqını təbrik edib.
“Almaniyanın dünya siyasəti və iqtisadiyyatında yerini nəzərə alaraq Azərbaycan sizin ölkənizlə bütün sahələrdə əməkdaşlığın davam etdirilməsinə özünün vacib məqsədi kimi baxır. Mən yalnız iki sahəyə toxunmaq istəyirəm – iqtisadiyyat və təhsil. İqtisadi, maliyyə-texniki sərmayələr sahəsində bir neçə mexanizm yaradılıb. Almaniya-Azərbaycan Beynəlxalq Ticarət Palatası mövcuddur. Biz bu istiqamətdə səylərimizi davam etdirəcəyik”, - o bildirib.
Təhsil sahəsində əməkdaşlığa toxunan M. Məmmədquliyev son illər təxminən 120 Azərbaycan gəncinin Almaniya universitetlərində təhsil aldığını bildirib. Bu sahədə potensialın güclü olduğuna diqqət çəkən xarici işlər nazirinin müavini peşə təhsili sahəsində də əməkdaşlığın inkişafının zəruri olduğunu vurğulayıb.
Sonda tədbir Almaniyadan olan caz musiqiçilərinin ifaları ilə davam edib.-16D-
-
- Cəmiyyət
- 2 Oktyabr 2015 12:05
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz