Mətbuat-Monitorinq 02.11.13

Rəsmi və iqtidaryönlü qəzetlər dövlət başçısı İlham Əliyevin Türkiyənin keçmiş prezidenti Süleyman Demireli qəbul etməsi, onu “Şərəf” oredenilə təltif etməsi haqda xəbərləri, III Bakı Humanitar Forumunun bəyannaməsinin mətnini ilk səhifələrə çıxarıblar.  

Rəsmi Bakının maraqlarına xidmət edən Ümumrusiya Azərbaycanlıları Konqresinin Moskvada azərbaycanlılara qarşı təzyiqlərin artıq kampaniya halı alması haqda bəyanatlarına baxmayaraq, rəsmi qəzetlər bu xəbərlərə yer verməyiblər. 

“Azadlıq” qəzeti ABŞ-ın “Foreign Policy” nəşrinin Azərbaycandakı prezident seçkilərindəki saxtakarlıqlar haqda yazmasını ilk səhifəyə çıxararaq, bunu “Nəşrin iqtidarı ifşa etməsi” adlandırır. 

Prezident seçkilərinin nəticələrinə mənfi rəy verən SMDT ictimai birliyinin rəhbəri Anar Məmmədli prokurorluğun qurumda yoxlamalara başlamasının “həyata keçidikləri layihələrlə bağlı olması” kimi şərh edib.

Media ekspertləri “Azadlıq” qəzetinin cərimələrə məruz qalmasını “korrupsiya faktlarını ifşaya görə iqtidarın məhkəmələr vasitəsilə qisas alması” adlandırırlar. 

Hüquq-müdafiəçisi Arzu Abdullayeva Azərbaycanda siyasi motivlərlə 142 nəfərin həbsə alındığını bildirib. 

Türkiyənin “Qüds” telekanalı yayımına törədilən maneçiliyə görə Azərbaycanı məhkəməyə verməyə hazırlaşır. 

Politoloqlar Azərbaycanın işğalda olan rayonlarından 5-nin boşaldılmasına Rusiyanın razılığını Azərbaycanı Gömrük İttifaqına daxil olmağa “şirnikləndirmə” kimi dəyərləndiriblər.

“Zerkalo” qəzeti ilahiyyatçı alim Tale Bağırzadənin saxta narkotik ittihamı ilə 2 il həbs olunmasına “siyasi məhbus çoxalır?” mövqeyi ifadə edib. 

Rəsmi Bakının Qarabağa qeyri-rəsmi səfərlərinə görə “persona non-qrata” elan etdiyi şəxslər noyabrın 1-də Moskvada keçirdikləri tədbirdə Azərbaycanın əleyhinə kəskin bəyanatlar səsləndiriblər, qəzet tədbiri “təxribat konfransı” adlandırır. 

“Ekspress” qəzeti Rusiyada azərbaycanlılara təzyiqlərin artıq kampaniya halı almasına diqqət çəkir. 

Qarabağa qeyri-rəsmi səfərlərinə görə rəsmi Bakının “presona non-qrata” elan etdiyi şəxslərin Moskvada keçirdiyi tədbiri qəzet “Kremlsayağı erməni qışqırtması” kimi dəyərləndirir. 

“Novoe Vremya” qəzeti prezident seçkilərinə mənfi rəy verən Seçkilərin Monitorinqi və Demokratiyanın Tədrisi ictimai birliyində prokurorluğun yoxlamalara başlamasını “iqtdiarın repressiyaları gücləndirməsi” kimi qiymətləndirir. 

“Bizim yol” qəzeti ötən 10 ayda ölkənin müdafiə və təhlükəsizlik sisteminin 76 hərbiçi itirdiyini nəzərə çatdırır. 

“Yeni Müsavat” qəzeti bu yaxınlarda həbsdən çıxan keçmiş nazir Fərhad Əliyevin obyektlərini ələ keçirməkdə ittiham etdiyi “Azərenerji” prerzidenti Etibar Pirverdiyevlə keçmiş nazir arasında “biznes davası” başlamasını önə çəkir.

Ekspertlər Naxçıvanın başçısı Vasif Talıbovun xalası oğlu, keçmiş nazir Nicat Quliyevin həbsini iqtidardaxili qruplaşmalar arası savaşın nəticəsi hesab edirlər. 

Rusiyanın Ermənistandakı 102 saylı hərbi bazası komandirinin Azərbaycanı müharibə ilə hədələməsini ekspertlər “rəsmi Kremlin birbaşa öz mövqeyi” adlandırırlar.