Mətbuat-Monitorinq 03-04.02.13

Rəsmi qəzetlər demək olar ki, bütün səhifələrini dövlət başçısının 2015-ci ildə Azərbaycanda keçirilməsi nəzərdə tutulan I Avropa Oyunları Təkilat komitəsinin ilk iclasında iştirakı və çıxışına həsr ediblər. 

“Azadlıq” qəzeti nazir Ramil Usubovun Gəncə polisinin keçmiş şefi Rasim Musayevi DİN Daxili Təhqiqat İdarəsinə rəis təyin etməsini “general Bəylər Əyyubova zərbə” adlandırır. 

AXCP sədri Əli Kərimli bölgələrdəki üsyanları yatırmaq üçün rəsmi Bakının işgəncələrə əl atmasına “zorun xalqı susdurmaq gücündə olmadığı” bəyanatını səsləndirib. 

Qəzet “Daş yuxular” əsərilə basğlı rəsmi Bakının yazıçı Əkrəm Əylisliyə hücumlarına yer verir və “Yeni Azərbaycan”qəzetinin  son 2 sayında yazıçıya təhqir olam 23 məqalə yerləşdirilməsinə diqqət çəkir.   

Müdafiə nazirini müdafiə məqsədilə bir qrup zabitin yaydığı bəyanatı pislənməsinə nazirlik “ayağı əsgər çəkməsi görməyən bəzi şəxslərin bəyanata kölgə salması” cavabını verib. 

İsmayıllı üsyanı zamanı həbs edilənlərin azadlğa buraxılması tələbilə qadınların aksiya keçirəcəklər. 

Qəzet haker hücumları nəticəsində ölkənin 8 bankından 25 milyon manat pulun oğurlanmasını “kibertəhlükəsizliyin zəif təmin olunmasının göstəricisi” sayır. 

“Yeni Müsavat” hakim partiyadan olan bəzi deputatların ölkədə üsyanlara görə bəzi nazirlərin cəzalandırmasını istəməsini “YAP rəhbərliyinin nazir ordusuna qarşı olması” kimi dəyərləndirir. 

Qəzet mühacirətdə olan eks-spiker Rəsul Quliyevin ölkəyə qayıda bilməsilə bağlı müraciətin hazırlanmasını Müdafiə Komitəsinin hərəkətə keçməsi adlandırır. 

Deputat  Hadı Rəcəblinin azad gəncliyə qarşı teleefirdən küçə söyüşünə cavab olaraq gənclərin “özünsən” kampaniyası başladığını nəzərə çatdırır. 

Rəsmi Bakının qəddar və söyüşcül məmurları vəzifədən azd etmək haqda qərar verdiyini yazan qəzet bunun ardınca “Gəncənin icra başçısını yola salırlar” qənaətini ifadə edir. 

Hüquqşünaslar İsmayıllı üsyanı ilə bağlı davam edən həbslərin yeni kütləvi aksiyalara səbəb olacağını “vulkan istənilən an püskürə bilər” şəklində ifadə ediblər. 

Qəzet İran hakerlərinin Azərbaycan banklarından 25 milyon manat pul oğurlaması ilə hadisədən 46 gün öncə Sənaye bankının əməkdaşı Seymur Səmədovun oğurlanması arasında əlaqə olması ehtimalının yarandığını bildirir. 

“Bakı Xəbər” ekspertlərə istinadən rəsmi Vaşinqtonun Güney Azərbaycan məsələsinə daha çox diqqət ayırmasını “Güney məsələsində təşkilatlanmanın yeni mərhələsi” kimi dəyərləndirir. 

Ekspertlər qəzetə şərhlərində İran hakerlərinin Azərbaycan banklarına hücumlarını “İranın Azərbaycanı müflisləşdirmək xətti götürməsi” sayırlar.