Alternativ energetikanın formalaşmasının çətin yolu

Dövlət başçısının 1 fevral 2013-cü il tarixli fərmanı ilə Alternativ və Bərpa Olunan Enerji Mənbələri üzrə Dövlət Agentliyi yaradılır. 

Sənədə əsasən, Alternativ və Bərpa Olunan Enerji Mənbələri üzrə Dövlət Şirkəti "Azəralternativenerji" MMC-yə çevrilir və Dövlət Agentliyinin tabeliyinə verilir. 

MMC enerji kəşfiyyatı, istehsalı, nəqli, bölgüsü, enerji əldə etmək üçün avadanlıq və qurğyuların layihələndirilməsi, tikinti, istismar, infrastruktur təminatı ilə məşğul olmalıdır. 

Nazirlər Kabinetinə tapşırılıb ki, Azərbaycan Respublikasının Alternativ və Bərpa Olunan Enerji Mənbələri üzrə Dövlət Agentliyinin fəaliyyətinin maliyyələşdirilməsi, bina və zəruri avadanlıqla təmin edilməsi, cəmiyyətin əmlakı nəzərə alınmaqla, onun nizamnamə kapitalının formalaşdırılması və ilkin mərhələdə saxlanılması üçün Azərbaycan Respublikasının dövlət büdcəsindən zəruri maliyyə vəsaitinin ayrılmasını bir ay müddətində həll etsin;

Prezidentin sərəncamı ilə Akim Bədəlov Alternativ və Bərpa Olunan Enerji Mənbələri üzrə Dövlət Agentliyinin sədri təyin edilib. 

Qeyd edək ki, ölkədə Alternativ Energetika Prqoramı 2004-cü ildə qəbul edilib. 2009-cu ilin avqustunda Sənaye və Energetika Nazirliyi yanında Alternativ və Bərpa Olunan Enerji Mənbələri üzrə Agentlik yaradılıb. 3 ildə bu orqan hüquqi-normativ bazanı formalaşdırıb, beynəlxalq təcrübəni öyrənib və Qaradağda hibrid poliqonu tikib. Amma onu istismara verə bilməyib, çünki “Azərenerji” ilə elektrik enerjisinin nəqli və paylanması problemini həll edə bilməyib. 

1 iyun 2012-ci ildə dövlət başçısının fərmanı ilə Alternativ və Bərpa Olunan Enerji Mənbələri üzrə Dövlət Şirkəti yaradılmışdı. Amma 8 ayda onun nizamnamə və strukturunu təsdiq etmək mümkün olmadı və MMC-yə çevrildi. Yəqin, "Azəralternativenerji" MMC istehsal edilən enerjini özü satacaq. 

Ötən illər hökumət alternativ energetika sahəsində layihələrə 625 mln manat ayırıb. Son 3 ildə Azərbaycan Aİ xətti ilə hüquqi bazanın formalaşdırılması, alternativ energetika sahəsində digər tədbirlər üçün 12,5 mln avro alıb. 

Bu müddətdə dövlət investisiyaları xətti ilə hökumət dağ rayonlarında mini-SES-lərin tikintisinə onlarla milyon ayırıb. Amma hələ də rəsmi statistika ümumi enerji balansında alternativ energetikanın payının nə qədər olması göstərilmir. --12В—