Son yenilənmə

(51 d. əvvəl)
Mətbuat-monitorinq 03.04.15

Rəsmi qəzetlər Birləşmiş Ərəb Əmirliklərinin vitse-prezidenti, baş naziri və Dubay əmirinin Azərbaycana səfəri haqda xəbərləri ilk səhifələrə yerləşdiriblər.

“Azadlıq” qəzeti Milli Şuranın “Talana son” şüarı ilə aprelin 5-nə təyin etdiyi mitinqi rəsmi Bakının sanksiyalaşdırmasını manjetə çıxarıb. Bununla yanaşı? qəzet ictimai fəalların xalqa mitinqdə fəal iştiraka çağırışlarını da dərc edib. Milli Şura sədri Cəmil Həsənli isə “əhali ictimai müqavimətlə özünü hakimiyyətin yarıtmaz siyasətindən müadfiə etməlidir” bəyanatı səsləndirib.

Vəkil Elçin Qəmbər həbsdə olan hüquq müdafiəçisi Leyla Yunusun orqanizminin, demək olar ki, sırdan çıxması kimi bəyanat səsləndirib.

Qəzet bu ilin yanvarında rəsmi Bakının 30 min nəfərə qədər müəllimin maaşının 2 dəfə artırılacağı vədinin cəmi 20 %-nə əməl etdiyini yada salır.

Qəzet yazır ki, manatın məzənnəsi sabitləşmədiyi üçün ölkənin 14 bankı kreditləşdirməni tamamilə dayandırıb.

Hökumətyanlı deputat Ceyhun Osmanlı atasının icra hakimiyyətində vəzifəsini itirməsini “islahatlar”ın nəticəsi kimi dəyərləndirib.

Azərbaycan Turizm və Menecment universiteti nəzdindəki Bakı Turizm Məktəbinin suyunun əsassız kəsilməsinə etiraz olaraq universitetin bir qrup tələbəsi Binəqədi rayonundan keçən magistral yolu bağlamağı nəzərdə tutur.

Qəzet Türkiyə mətbuatına isnadən, burada qanunsuz fəaliyyət göstərən mətbəədə 9 nəfər azərbaycanlının saxlandığını bildirir.  

“Ekspress” qəzeti Bakıya gələn Birləmiş Ərəb Əmirlikləri rəhbərliyinin nümyəndələrilə görüşdə dövlət başçısı İlham Əliyevin “bir birimizdən öyrənəcəyimiz çox şeylər var” bəyanatını önə çəkib.

Qəzet ekspertlərə isnadən manatın məzənnəsinin yalnız neftə bağlı olmasını “tam üzən məzənnə siyasətinin riskli iş olması” kimi dəyərləndirir.

“Exo” qəzeti ekspertlərə isnadən “üzən” məzənnə kursuna keçilməsinin ölkə iqtisadiyyatını batıra biləcəyi xəbərdarlığı edirlər.

“Novoe Vremya” qəzeti Azərbaycan və Türkiyənin maliyyə vəsaitləri olmaması üzündən TANAP layihəsinin dayanması iddiasını ilk səhifəyə çəkib.

“Bizim yol” qəzeti ölkənin əksər banklarının kredit faizlərini kəskin artırmalarını diqqət mərkəzinə çəkib.

Bir neçə il öncə redaktor Əvəz Zeynallının həbsilə “Xural” qəzetinin əmlakı müsadiə edilmişdi, dünən əmlakın qaytarılacağı xəbəri yayıldı, amma son anda qarşı tərəf əmlakı qaytarmaqdan imtina edib.

Qərbin Yunanıstanı cəzalandırmağa başladığını yazan qəzet bu cəzalandrmada Bakının da planlarına zərbə olacaq təhlükəli oyunlar olduğunu xatırladır.

“Yeni Müsavat” qəzeti son günlər bank sektorundakı kadr dəyişikliklərini “inqilabın iqtisadi sektordan başlaması və “Bakı qrupunun gücü” kimi dəyərləndirərək, ilk səhifəyə çəkib.

Bəzi şərhçilər bank sektorundakı dəyişiklikləri dövlət başçısının öncə bank sektorunu, daha sonra isə siyasi idarəetməni “ASAN” xidmətə tətbiq etdirmə siyasətinin tərkib hissəsi kimi dəyərləndirirlər.

Politoloq Hikmət Hacızadə xarici QHT-lərin ölkəyə buraxılmamasını “insan haqları sahəsində iqtidarın dünya ilə münasibətini kəsməsi” adlandırıb.

Qəzet Azərbaycan da daxil olmaqla, 4 GUAM ölkəsinin Rusiyanın işğal hədəfində olduğunu iddia edir.

Müdafiə naziri Zakir Həsənov mətbuata son 3 ayda erməni tərəfin əsgər itkisinin 50 nəfərə çatması haqda açıqlama verib.

Rəy yaz

Cəmiyyət

Bizi sosial şəbəkələrdə izləyin

Xəbər lenti