Rəsmi və iqtidaryönlü qəzetlər dövlət başçısı İlham Əliyevin Gəncə şəhərinin sosial inkişafı üçün 2, 6 milyon manat vəsait ayrılması haqda sərəncamının mətnini dərc ediblər. Bu qəzetlər ölkədə prezident seçkilərinin oktyabrın 9-da keçirilməsi haqda qərar verildiyinə diqqət çəkirlər.
Bundan əlavə, bu qəzetlərdə ölkənin protest elektoratını öz ətrafında birləşdirən Milli Şuraya və onun rəhbərliyinə qarşı aşağılayıcı mövqe sərgiləyən çoxsaylı yazılar dərc edilib.
“Azadlıq” qəzeti prezident seçkilərinin oktyabrın 9-na təyin edildiyini yazır.
Qəzet rəsmi Bakının jurnalist Xədicə İsmayıla qarşı kampaniyasına etiraz olaraq bir qrup jurnalistin “Xədicəyə dəstək” aksiyası keçirdiyini, polisin hadisədə iştirakçı olan və hadisəni işıqlandırmaq istəyən bütün jurnalistləri saxladığını yazır.
“Azadlıq” radiosu rəhbərliyi rəsmi Bakıya jurnalist Xədicə İsmayıla qarşı kampaniyanı araşdırmaq çağırışı edib.
Danışıqları İnternetdə yayıldığı üçün Litvanın Macarıstan və Azərbaycan səfirləri öz postlarından istefa veriblər.
Gürcüstan prezidenti Mixail Saakaşvilinin Azərbaycan müxalifətini Rusiya ilə işbirliyində qınamasına cavab olaraq, müxalifət də Saakaşvilini İlham Əliyevlə işbirliyində ittiahm edib.
Azərbaycanın Milli Qəhərmanı Kamil Nəsibovun oğlu Namiq Nəsibov terrorçu-PKK-nın rəhbəri Öcalanın şəkli olan köynəklər geyməklə onu təbliğ edir.
“Xutor” qəsəbəsində sakinlərin evləri hər-hansı xəbərdarlıq edilmədən sökülür, kompensasiyalar çox aşağı həddə verilir.
“Zerkalo” qəzeti Moskvada miqrantlara insanlıqdankənar münasibətlə bağlı olaraq “postsovet məkanı total hüquqsuzluq zonasıdır” qənaəti ifadə edib.
Qəzet yazır ki, rəsmi Bakının icazəsi olmadan işğal altındakı torpaqlara səfər edən 335 nəfər Azərbaycanda “arzuedilməz şəxs” elan olunublar.
“Ekspress” qəzeti prezident seçkilərinin oktyabrın 9-na təyin olunmasını ilk səhifəyə çıxarıb.
Kürdəmir bazarında qiymət artımına etiraz olaraq sahibkarların aksiyasının nəticə verdiyi, hər-hansı qiymət artımı olmayacağı bildirilir.
“Exo” qəzeti Azərbaycan sakinlərinin həftədə 55 saat olmaqla Avropada hamıdan çox işlədiklərini yazaraq, bunun maksimal Avropa göstəricisindən belə çox olduğunu nəzərə çatdırır.
Separatçı qüvvələrin “Facebook” və “Twitter”i mənimsədiyini yazan qəzet, üzdəniraq “DQR XİN”-in sosial şəbəkələrdə rəsmi akkauntlarının açıldığını bildirir.
“Bizim yol” qəzeti prezident seçkilərinin oktyabrın 9-na təyin olunmasını “iqtidarın mühüm seçki qərarı” kimi dəyərləndirir.
Qəzet ABŞ-da mühacirətdə olan GAMOH lideri Mahmudəli Çöhrəqanlının avqustun ikinci yarısı Bakıya gəlmək niyyətində olduğunu yazır.
Qəzet 17 saylı həbsxanada cəza çəkən məhbusların yaxınlarına isnadən burada bir qrup məhbusa ağır işgəncələr verildiyini bildirir.
“Yeni Müsavat” qəzeti rəsmi Bakının prezident seçkilərini oktyabrın 9-na təyin etməsini “iqtidardan Milli Şuraya zərbə” adlandırır.
Qubada üsyanla devrilən keçmiş icra başçısı Rauf Həbibovun yandırılan villası təmi edilir, buna etiraz olaraq qonşular evlərini staraq qonşuluqdan köçürlər.
Nəqliyyat Nazirliyi müfəttişlərinin rüşvət tələbinə etiraz olaraq sürücülər yolu bağlayıblar.
Baş nazirin keçmiş müavini Abas Abasovun RF polisinin miqrantlara qarşı əməliyyatlarına haqq qazandırmasını qəzet “Kremli müdafiə” bəyanatı adlandırır.
Baş prokuror Zakir Qaralovun keçirdiyi əməliyyat müşavirəsində prokurorluğun 17 əməkdaşı cəzalandırılıb.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz