![Mətbuat-Monitorinq 04.03.15](https://turan.az/resized/750/500/resize/media/2015/main/030400108707.jpg)
Mətbuat-Monitorinq 04.03.15
Rəsmi qəzetlər dövlət başçısı İlham Əliyevin Sloveniya parlamentinin Milli Şurası sədrinin, Çexiya sənaye və ticarət nazirinin başçılıq etdikləri nümayəndə heyətlərini, RF VTB bankının başçısını qəbul etməsi, Bolqarıstana səfərə getməsi haqda xəbərləri ilk səhifələrdə yerləşdiriblər.
“Azadlıq” qəzeti rəsmi Bakının hakimiyyətyönlü mətbuatda anti-ABŞ və anti-Qərb kampaniyasına start verməsini “hakimiyyətin ABŞ ilə anlaşmanı pozması” adlandıraraq manjetə çıxarıb.
Rusiyanın müxalifət liderlərindən Boris Nemtsovun qətlində Azərbaycan hərbçisi İsa Sadıqovun əlinin olması haqda açıqlamalara onun rəhbəri olduğu “NATO-Qafqaz” Alyansı “bu qətl Rusiyanı mafiya qaydaları ilə idarə edənlərin törətdiyi terror aktıdır” qarşılığını verib.
AXCP sədri Əli Kərimli bu il fevralın 21-də manatın devalvasiyasından sonra ölkədə yaranan bahalığa etiraz olaraq martın 15-nə təyin edilən mitinqlə bağlı xalqa “bu mitinqin sifarişi sizdən gəldi” bəyanatını səsləndirib.
Sığorta şirkətləri manatın devalvasiyası və kredit şərtlərinin ağırlaşmasının sığorta şirkətlərinin gəlirlərini 6-7 dəfə azaltdığını bildiriblər.
“Azərbaycan” nəşriyyatının çap xərclərini 20% artırdığını yazan qəzet qəzetlərin də qiymət artımına getmək məcburiyyətində qaldıqlarını nəzərə çatdırır. Manatın devalvasiyası ilə bağlı ixtisarların davam etdiyini yazan qəzet “Azərkörpü”nün yüzlərlə əməkdaşının işini itirdiyini qeyd edir.
“Ekspress” Rusiya müxalifətinin liderlərindən Boris Nemtsovun qətlində adı hallanan Azərbaycan hərbçisi İsa Sadıqovun “bu, gülünc versiyadır və bu şayiə qatillərin tapılmayacağına əsas verir” bəyanatını diqqət mərkəzinə çəkib.
Qəzet manatın devalvasiyasından bu yana “Teleqraf” və “APA” holdinqlərə aid 8 saytın bağlandığını nəzərə çatdırır.
“Exo” “Cənub-Şimal” Araşdırmalar Mərkəzinin dini situasiya ilə bağlı Bakıda keçirdiyi qapalı toplantıda “İraq-Şam İslam Dövləti” terror qruplaşmasının artıq Cənubi Qafqaz üçün real təhlükəyə dönməsi xəbərdalığını önə çəkib.
“Bizim yol” ekspertlərin mənzil bazarındakı duruma “mənzil bazarında xaos hökm sürür” şərhini ilk səhifədə yerləşdirib.
MTRŞ ölkədə 6 milyon manata 25 serialın çəkildiyini, amma bu serialların keyfiyyətindən narazı qaldığını bildirib.
Dolların bahalaşması ilə bağlı mobil telefon bazarında qiymətlər kəskin bahalaşıb, alıcı isə yoxdur.
Ölkə banklarının manatla kredit verməkdən imtina etməsinə toxunan qəzet bunu “öz banklarımızın milli pula etimad etməməsi” kimi dəyərləndirir.
“Yeni Müsavat” “Azərbaycan” qəzetində ABŞ prezidenti Obamanın barəsində məqalə dərc edilməsini önə çəkərək bunu “savaşın qızışması” adlandırır.
Qəzet büdcəni daha böyük kəsirdən qorumaq üçün manatın məzənnəsinin ucuzlaşdırılması qərarının maliyyə naziri Samir Şərifovdan gəldiyinə iddia edir.
Ekspertlər yem bahalığı üzündən kəndlilərin məhdud sayda mal-qara saxladığına görə ölkədə ət qıtlığı yaranacağı və qiymətlərin kəskin bahalaşacağı barədə xəbərdarlıq ediblər.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz