Çexiya Azərbaycandan qaz tədarükündə maraqlıdır. Çexiyanın sənaye və ticarət naziri Yan Mladek martın 3-də Azərbaycan-Çexiya biznes forumunda belə deyib.
Onun sözlərinə görə, ötən il Çexiyanın neft idxalının üçdə biri Azərbaycanın payına düşüb.
Mladek deyib ki, Çexiya Azərbaycandan uzun müddətli qaz tədarükündə də maraqlıdır. Buna görə TANAP layihəsinin tikintisi vacibdir.
Nazir deyib ki, Nabucco və South Stream layihələri baş tutmadığı, “Türk axını”na çox vaxt tələb olunduğu üçün TANAP ən real layihədir.
Çexiyanın nazirinin bu bəyanatı təəccüb doğurur. O bilməmiş deyil ki, “Türk axını”nın 15,75 mlrd m3 gücündə ilk xətti 2016-cı ilin sonu üçün, qalan hissə 2018-2019-cu illərdə istifadəyə verilməlidir. Azərbaycan qazı isə Avropaya 2020-ci ildə daxil olacaq. Azərbaycan qazı Avropaya sabah daxil olsa, bundan Çexiyaya nə düşür? Axı Türkiyədən sonra bu qaz İtaliya və Yunanıstana gedəcək. Azərbaycanda yeni qaz yataqları işlənməmiş və “Cənub qaz dəhlizi” genişləndirilməmiş Avropada Azərbaycan qazının yeni alıcıları olmayacaq. Bu isə 2023-2024-cü illlərə çəkəcək. Ona görə nazirin bəyanatı siyasi bəyanat hesab edilə bilər. –12В--
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz