![Mətbuat-Monitorinq 04.05.13](https://turan.az/resized/750/500/resize/media/2013/main/050400035114.jpg)
Mətbuat-Monitorinq 04.05.13
Rəsmi və hökumətyönlü qəzetlər dövlət başçısı İlham Əliyevin Sumqayıt şəhərinə səfərini ilk səhifəyə çıxarıblar. Bundan əlavə, bu qəzetlərdə mərhum dövlət başçısı Heydər Əliyevin 90 illiyilə bağlı çoxasaylı məqalələr dərc olunub.
“Azadlıq” qəzeti beynəlxalq media qurumlarının dövlət başçısı İlham Əliyevi və Naxçıvanın “rəhbəri” Vasif Talıbovu “mətbuatın düşməni” elan etməsini manjetə çıxarıb.
Azərbaycanın beynəlxalq qurumlar önündə götürdüyü öhdəliklərin yerinə yetrilrməsi səviyyəsini öyrənən Avropa İttifaqı təmsilçisi Ştefan Füle durumla bağlı “Azərbaycan hökuməti ATƏT-in tövsiyələrini yerinə yetirməyib” bəyanatı verib.
PA-nın rəhbəri Ramiz Mehdiyevin Qarabağ probleminin həllində tuduğu mövqeyə görə İranı tərifləməsinə hökumətyönlü deputatlar belə “bu inandırıcı deyil” münasibəti ifadə ediblər.
Ekspertlər hökumətin ölkə banklarında irirmiqyaslı əməliyyatları nəzarətə götürməsinin qarşıdakı prezident seçkilərilə bağlı olduğunu iddia edirlər.
“Zerkalo” qəzeti İran mediasında PA-nın rəhbəri Ramiz Mehdiyevin adından bu ölkəni tərifləməsi haqda yayılan bəyanatları “rəsmi Tehranın Azərbaycanı Qərbin gözündə qeyri-ciddi tərəfdaş” kimi göstərmək səylərinin nəticəsi sayır və bunun üçün İranın “vicdanını da satmağa” hazır olduğu iddia edilir.
“Ekspress” qəzeti ötən 4 ayda Qarabağ cəbhəsində atəşkəsin 705 dəfə pozulduğunu nəzərə çatdırır.
Qəzetin yazdığına görə, bu il ölkədə uşaqlara qoyulan adlar arasında Yusif və Zəhra adları “liderlik” edir.
Tarif Şurası Nəqliyyat Nazirliyinin Bakıdakı marşrut xətlərində qiymətlərin artırılması təklifini rədd edib.
“Exo” qəzeti korrupsiya ilə mübarizədə uğur əldə edilməsinin ölkə büdcəsinə 5 milyard manat qazandıracağını yazaraq, “korrupsiya pulları”nın 90%-nin büdcə vəsaitləri olduğunu bildirir.
“Novoe Vremya” qəzeti ölkədə intiharların artmasının müxtəlif səbəbli olmasını “İntihar - bu ancaq simptomdur, diaqnoz nədir?” sualı ilə gündəmə gətirir
“Bizim yol” qəzeti Avropa Birliyinin komissar Ştefan Fülenin şəxsində Bakı qarşısında “şəffaf seçki tələbi” qoymasını ön səhifəyə çıxarıb.
Bakının Nərimanov rayonunda polisin sürücüyə zorakılğı nəticəsində bir qrup vətəndaşla polislər arasında qarşıdurma baş verib, hadisə yerinə əlavə polis qüvvələri çağırılıb, DİN isə qarşıdurma olduğunu inkar edir.
İranın Azərbaycan səfiri Pakayin Azərbaycan ədəbiyyatşünası Xalidə Xalidin İranda həbsə alınmasını qanuni saymasını “bizə nota vermək uyğun deyil” bəyanatı ilə “əsas”landırıb.
“Yeni Müsavat” qəzeti şərti “milyarderlər ittifaqı”nın rəhbərlərindən Söyün Sadıqovun Gürcüstanda Azərbaycanlı gəncləri təşkilatlandırmağa başlamasını ilk səhifəyə çıxarıb.
Hakimiyyətin ömrünü uzatmaq üçün rəsmi Bakının xalqa müxtəlif çeşidli təzyiqlərinə politoloqlar “ərazisi işğalda olan ölkə iqtidarının öz xalqı üzərində qələbə çalmaq istəməsi” şərhi veriblər.
-
- Siyasət
- 4 May 2013 11:49
-
- Söz istəyirəm
- 4 May 2013 13:58
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz