Mətbuat-Monitorinq 04.06.14

Rəsmi qəzetlər dövlət başçısı İlham Əliyevin Bakı Sərgi Mərkəzində XXI Beynəlxalq Xəzər neft, qaz neftayırma və neft kimyası sərgi və konfransında iştirakı haqda xəbəri, tədbirdəki çıxışını ilk səhifələrə yerləşdiriblər.

“Azadlıq” qəzeti “Aqrolizinq” ASC-də iqtisadi cinayətlərlə bağlı faktları kənd təsərrüfatı naziri Heydər Əsədovun Korrupsiyaya Qarşı Mübarizə idarəsinə göndərməsini vaxtilə sələfi olan, indi baş nazirin müavini İsmət Abbasova zərbə sayır.

Qəzetin yazdığına görə, müdafiə naziri Zakir Həsənov Rövşən Əkbərovun komandan olduğu Şəmkir korpusunda gözlənilmədən yoxlamalara başlatdırıb.

Qəzet qeyd edir rki, ABŞ Helsinki Komissiyası iyunun 11-nə Azərbaycanla bağlı dinləmələr təyin edib. Dinləmələrdə ABŞ-Azərbaycan münasibətlərinin təhlükəsizlik, iqtisadi və insan haqları tərəfləri müzakirə olunacaq.

Son vaxtlar Azərbaycana səfər edən dünya dövlətləri rəhbərlərinin real müxalifət təmsilçilərilə görüşlərini ekspertlər “İlham Əliyevin əsl müxalifəti sıradan çıxarmaq cəhdlərinin nəticəsiz qalması” kimi dəyərləndirirlər.

Beynəlxalq Valyuta Fondunun rəsmi Bakını irimiqyaslı korrupsiyaya qarşı mübarizəyə çağırmasının effekt verməyəcəyini deyən ekspetlər “irimiqyaslı korrupsiyanın hakimiyyətdəkilərin xarakterilə bağlı olması” haqda açıqlama veriblər.        

“Ekspress” qəzeti İranın Azərbaycan səfirinin ölkənin daxili şilərinə qarışmasına cavab olaraq Dünya Azərbaycanlıları Konqresinin etiraz bəyanatı yayması haqda xəbəri ilk səhifəyə yerləşdirib.

Kart sisteminin avtobuslara tətbiq olunması haqda mövqeyə ekspertlər də, sürücülər də, sərnişinlər də təfərrüatını açmadıqları “böyük problemlər yaranacağı” cavabını veriblər.

“Exo” qəzeti  ölkədə 206 min nəfər şəkər xəstəsinin yenə də onlar üçün həyati əhəmiyyəti olan dərman preparatlarının çatışmazlığı ilə üzbəüz qalmasını manyetə çıxarıb.

Qəzet “Caspian Oil and Gas-2014” sərgisinin dünyanın 29 ölkəsindən dən 402 şirkəti və 8 milli qrupu birləşdirdiyini nəzərə çatdırır.

“Novoe Vremya” qəzeti Müdafiə Nazirliynə yeni rəhbərliyin gəlməsilə orduda neqativ halların azalacağına ümidlərin boşa çıxdığını, əksinə intihar və “dedovşina” faktlarının artmasına diqqət çəkir.

“Bizim yol” qəzeti Bakıdakı neft-qaz sərgisinə ABŞ və Böyük Britaniya başçıları Obama və Kameronun dəstək məktubu göndərməsini “ABŞ və Avropanın Azərbaycanda Rusiyaya cəbhə açması” kimi dəyərləndirərək önə çəkib.

Qəzet RF-nin Azərbaycan əsfiri Doroxinin rus gəncləri Azərbaycanın ictimai-siyasi, biznes həyatında fəallığa səsləməsini “səfirdən şok bəyanat” adlandırır.

“Yeni Müsavat” qəzeti  Bakının Şıx qəsəbəsində yerüstü keçidin uçmasının hansısa məmurun işdən çıxarılacağına səbəb olacağı iddiasını ilk səhifəyə çıxarıb.

Fransanın “Total” və Almaniyanın “E.on” şirkətlərinin Azərbaycanın TAP enerji layihəsini tərk etdiklərini yazan qəzet bu addımların təfərrüatlarının açıqlanmamasına diqqət çəkirlər.

Azad Demokratlar Partiyası (Az.DP) təsius qurultayının bu il iyulun 6-da keçiriləcəyi haqda açıqlama veriblər.

Rəsmi Bakı təmsilçiləri dövlət başçısı İlham Əliyevin Rusiya layihəsi olan Avrasiya İqtisadi Birliyinə göndərdiyi məktubun tam mətninin ölkə mətbuatına açılmayacağını bildiriblər.

Bu yaxınlarda əfv fərmanı ilə azadığa çıxan hüquq müdafiəçisi Bəxtiyar Məmmədov həbsinə səbəb saydığı Hərbi Dəniz Qüvvələrinin keçmiş komandanı Şahin Sultanovu 300 milyon manat vəsaiti mənimsəməkdə ittiham edib.