Azərbaycanın qiymətli kağızlar bazarında sayca ikinci aktivlərin idarə edilməsi üzrə şirkət yaradılacaq. Mayın 20-də Vergilər Nazirliyi “AzFinance Asset Management” şirkətini qeydiyyata alıb.
Dövlət reyestrinin məlumatına görə, şirkətin nizamnamə kapitalı 150 000 manat, direktoru Abid Məmmədovdur. O həm də “Azfinance İnvest” MMC-nin rəhbəridir. Hər iki şirkət eyni ünvanda yerləşir.
Adına görə mühakimə yürütsək, “AzFinance Asset Management” aktivlərin idarə edilməsi üzrə lisenziyaya iddiaçıdır. 2013-cü ilin avqustunda "İnvest Az Asset Management" belə bir lisenziya alıb.
Qiymətli Kağızlar üzrə Dövlət Komitəsi aprelin 7-də “Azfinance İnvest”ə QK bazarında broker və diler fəaliyyəti üçün lisenziya verib.
“AzFinance İnvest” MMC bu il yanvarın 30-da başqa adla – “Gilan Capital” kimi 1000 manat nizamnamə kapitalı ilə qeydiyyata alınıb. 08B
İqtisadiyyat
-
Ötən il Azərbaycanın ixracı kəskin azalıb. 2024-cü ildə ölkənin ixracı 26 milyard 554 milyon 56 min, idxalı 21 milyard 58 milyon 44 min ABŞ dolları olub. Müsbət saldo 5 milyard 496 milyon 12 min ABŞ dolları təşkil edib. Bu barədə Dövlət Gömrük Komitəsinin (DGK) məlumatında bildirilir.
-
“Şəfəq” Günəş Elektrik Stansiyasının (GES) tikintisi ilə bağlı texniki-iqtisadi əsaslandırmaya əsaslanan yekun investisiya qərarının (FID) 2025-ci ildə qəbul edilməsi gözlənilir. Bu barədə BP-nin Xəzər regionu üzrə vitse-prezidenti Bəxtiyar Aslanbəyli cümə günü jurnalistlərə bildirib.
-
BP Plc 2025-ci ilin sonuna qədər Azəri-Çıraq-Günəşli (AÇQ) blokunun dərin qaz yataqlarından qaz hasilatına başlamağı planlaşdırır, BP-Azərbaycanın mətbuat xidmətinin rəhbəri Tamam Bayatlı jurnalistlərə bildirib.
-
Azərbaycanın İRİA (İnnovasiya və Rəqəmsal İnkişaf Agentliyi) və İsrailin Israel Aerospace Industries (IAI) şirkəti Anlaşma Memorandumu (MoU) imzalayıblar. Saziş iki ölkə arasında iqtisadi, sənaye, elmi və texnoloji əməkdaşlığın dərinləşdirilməsinə yönəlib.
Rəy yaz