Mətbuat-monitorinq 04.07.15

Rəsmi qəzetlər hələ də Avropa Oyunları ilə bağlı mövzuları ilk səhifələrdə yerləşdirirlər.

Bundan əlavə, bu qəzetlərdə Füzuli rayonunun və  I və XI Qayıdış qəsəbələrarası avtomobil yolunun tikintisilə bağlı dövlət başçısının sərəncamı ilə Füzuli rayon icra hakimiyyətinə1,5 milyon manat vəsait ayrılıb.

“Azadlıq” qəzeti artıq müflisləşmiş “Hafka” ləqəbli iş adamının həbs olunduğu halda nazir Ziya Məmmədov və oğlu haqda şok açıqlamalar verəcəyi hədəsini manjetə çıxarıb.

Qəzetin iddiasına görə, Beynəlxalq banka 430 milyon manat kredit borcu ilə bağlı “Xəzər adaları” layihəsi Hacı İbrahim Nehrəmlidən alınıb.

Qəzetə görə, “Space” telekanalının “Günaydın” verilişində kobud efir mədəniyyətsizliyinə görə telekanalın yayımının dayandırılması gündəmə gəlib.

Vergilər Nazirliyinin yoxlamasından sonra Bakılift-1, Bakılift-2, Bakılift-3 idarələrinin rəisləri həbs ediliblər.

Qəzet yazır ki, beynəlxalq audit şirkəti “Azərsu”da 4.5 milyard manatlıq ziyan, şişən borclar və bərbad idarəçilik olduğunu üzə çıxarıb.

Almaniyanın “Der Tagesspiegel” qəzeti AŞPA-da Azərbaycanla bağlı tənqidi ruhlu qətnamə qəbul edilməsini “kürü diplomatiyası” siyasətinin sona çatması kimi dəyərləndirir. 

“Ekspress” qəzeti Bakı yol polisinin tıxac olmasın deyə rayonlardan gələn avtomobillərin yalnız gecə saatlarında paytaxta buraxılmasını “tıxaca görə xatalı təklif” kimi dəyərləndirərək  diqqət mərkəzinə çəkib.

Vaxtilə rəsmi Bakının siyasi məhbus məsələsi üzrə AŞPA məruzəçisini ölkəyə buraxmadığını “unudan” deputat Səməd Seyidov indi AŞPA-nı Ermənistanın məruzəçilərin fəaliyyətinə əngəl yaratmasını araşdırmağa çağırır.

Çin tərkibindəki uyğur türklərinin lidelərindən Erkin Əkrəm rəsmi Pekini uyğur bölgəsinin etnik quruluşunu dəyişdirməkdə ititham edib.

“Novoe Vremya” qəzeti Avropa Gənclər Parlamentinin Qarabağda ermənipərəst “Artsax Respublikasına maarifləndirici sayahət” adlı tədbir keçirməyə hazırlaşdığını önə verib.

“Bizim yol” qəzeti Rusiyanın Ermnistana “İskəndər” raket kompleksləri bağışlamasını ilk səhifəyə yerləşdirib.

Ekspertlər Çin iqtisadiyyatının batmaqda olduğu indiki çağda Neft Fondunun 1 milyardı sərmayə olaraq yuanla yatırmasını qızıl, rus banklarının səhmləri məsələsindən sonra növbəti “zərər verən addım” kimi dyərləndirirlər.

“Yeni Müsavat” qəzeti Azərbaycan KP MK-nın keçmiş birinci katibi Vəzirovun yaxın qohumunun Beynəlxalq Bankın keçmiş rəhbəri Cahangir Hacıyevlə “müəmmalı iş ortağı” olması “kəşfi”ni ilk səhifəyə çıxarıb. 

Qusardakı qətl zamanı dili tutulan nazir Ziya Məmmədovun qardaşı Nəriman Məmmədov ölkədən çıxarılıb.

Ekspertlərə isnadən devalvasiyadan sonra bank sisteminin hələ də özünə gələ bilmədiyini yazan qəzet kredit faizlərinin arta biləcəyini istisna etmirlər.

Qəzet Avropa Oyunları zamanı “Atletlər” kəndində ağır qəza törədən sürücünün qəsdən adam öldürməyə görə həbsdə yatmasının üzə çıxmasına diqqət çəkir.