Ötən gecə Xırdalan qəsəbəsində (Bakıdan 15 km məsafədə) "Kapital bank"ın Abşeron filialının saymağa cəhd ediblər.
DİN-in mətbuat xidmətinin məlumatına görə, filialın inkassatoru Hikmət Əliyev pul oğurlamaq məqsədilə axşam bankda gizlənib. Gecə bankın mühafizəçisi Hamlet Şıxəliyev içəridə şübhəli səslər eşidib və inkassatoru görüb. Soyğunçu bıçağı çıxarıb və mühafizəçiyə hücum edib. Mübarizə zamanı mühafizəçi təsadüfən silahından atəş açıb və özünü ayağından yaralayıb.
Bu, inkassatorun cinayət yerindən qaçmasına imkan verib. Hadisə yerinə gələn polis əməkdaşları basqınçını isti izlərlə tutublar. Yaralanmış mühafizəçi xəstəxanaya yerləşdirilib.
Qeyd edək ki, çoxdandır bank soyma hadisələri və ya cəhdləri olmayıb. Əvvəllər tez-tez valyutadəyişmə məntəqələrinə silahlı basqınlar və ya küçədə valyutadəyişmə məntəqələrinin işçilərinə hücumlar baş verirdi. -02D-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz